Ստամբուլում մի շարք միջոցառումներ են նախապատրաստվում՝ ի հիշատակ Հայոց ցեղասպանության զոհերի, այս մասին գրում է Ստամբուլի հայկական պարբերականներից «Ակօսը»՝ հայտնելով, որ միջոցառմանը կմասնակցեն մի շարք հայ, թուրք, քուրդ, հույն և այլ ազգի ներկայացուցիչ մտավորականներ, ակտիվիստներ, մշակույթի գործիչներ, գիտնականներ և մարդու իրավունքների պաշտպաններ: Հայտնի է, որ միջոցառումները կլուսաբանեն տեղական թե՛ հայկական, թե՛ մի շարք թուրքական լրատվամիջոցներ: Նշվում է, որ հիշատակի միջոցառում կանցկացվի Ստամբուլի Սուլթանահմեդ թաղամասում՝ Հայդարփաշա նավի կայանի մոտ, որտեղից 1915-ի ապրիլի 24-ին բազմաթիվ հայ մտավորականներ ուղարկվեցին սպանվելու: Նույն միջոցառման ժամանակ կհիշատակվեն նաև 1915-ին սպանված հույն և ասորի ժողովուրդների ներկայացուցիչ անմեղ զոհերը: Թուրքիայում գործող հայկական «Նոր Զարթոնք» երիտասարդական կազմակերպությունը հիշատակի միջոցառում կանցկացնի նաև Ստամբուլի հայաշատ Շիշլի շրջանի հայկական գերեզմանատանը՝ 7 տարի առաջ՝ ապրիլի 24-ին, թուրքական բանակում սպանված հայազգի զինվոր Սևակ Բալըքչըի գերեզմանի մոտ:

Մի բան հստակ է՝ Ալիևը մեր ազգի զարթոնքը տեսնելով, երիտասարդության ուժը տեսնելով՝ էլ համարձակություն չի ունենա հարձակվելու համար։ Մեր միակ ռազմավարական դաշնակիցը մեր բանակն ու ՀՀ քաղաքացիներն են, այլ մեկը չկա։ Սիրում եմ բոլորիդ