Предыдущая публикация
Ял илыш.
Шке огыл гын, кӧ?
Тынбай ял шеҥгечын изи эҥер йоген эрта. Пычырик гына вӱдшӧ пуйто корен колтымо корно дене шырчен куржеш. Тений игече кукшо, садлан эҥер манынат от шоно, ночко корем гай веле коеш. А ожно ял мучашыштышт кугу пӱя лийын. Ер гай - кумда да келге. Совет жапыште, кодшо курымын 80-ше ийла мучаштыже, тиде пӱя ик кугу йӱр деч вара каен улмаш. Уэшын пӱяш тӧчымын шотшо лийын огыл. Колхоз шолдырген, саман вашталтын… Шке семын пӱялаш шонышо-влакын вийышт ситен огыл. Пӱян кӱлешлыкше, ялын вӱд деч посна кодмыжо нигӧм утыждене тургыжландарен, ойгыртен огыл манаш гын… Калыкше эре шонен илен. Поснак лу ий утларак ончыч, кунам чодыра могырч тарваныше пожарын тул йылмыже ял мучаш марте толын шуын, чылан ончычсо пӱяштым шарналтеныт. Юмо саклыже, пожар ялыште лиеш гын, вӱдымат нигушеч налаш…
Конешне, ялысе сурт да моло зданий-влакым тул деч аралаш закон шӱдымӧ почеш ситышашлык пожарный гидрант-влак улыт, водонапорный башньым ыштен шогалтыме гын, пӱя вӱдын кӱлешлыкшым огыт текшыре, огытат йод. Но кушеч яллаште гидрант? Кушеч тудын полшымыж дене вӱдым налаш, пӱяжат уке гын?
Тугеже, эҥерым пӱялыманак.
Тыге шонен, верысе кучем деч ятыр ийышкен нимом вучен шуктыде, ялысе калык шке тарванен. Туныктышо Н.П.Минаевам старостылан сайлымыштлан идалык наре лиеш. Тиде ӱдырамаш шкеж гаяк чолга еҥ-влак гыч инициативный тӱшкам поген. Ончычсо пӱя олмеш чодыра гай кушкын шогалше пушеҥге-влакым руэн (А тиде ик гектар кумдык веле огыл!), ты вер гыч шупшыктен луктыныт. Кажне кечын 30-40 еҥ шке кумылын полшаш ушна, пашалан шкеныштын техникыштым кучылтыт. Пашаче бригадылан ожно колхозышто кочкаш ямдылыме семын, туштак икмыняр ӱдырамаш, поварын пашажым шуктен, под йыр шогылтеш.
«Ончыч оксам погаш тӱҥална,- каласкала Надежда Павловна Минаева. - Тыгай паша кугу роскотым йодеш. Кызытеш кумшӱдӧ утла тӱжем теҥгем погенна. Ӧрдыжтӧ илыше ялчына-влак поснак чот полшат, «Ме тушто огына иле, мыланна ок кӱл» огыт ман. Оксат лиеш гын, техникымат муаш, горючийжымат налаш лиеш. Кӱлешан пашалан шке кумылын пырля ушнен моштымыштлан ялчына-влаклан кугу таум ойлем».
Кӧ окса дене полша, а кӧ кочкаш шолташ шылым але моло продуктым пуа.
Но нуным ик йодыш тургыжландара: вер-шӧрым эрыктат, пӱям садак пӱялат, но умбакыже тудым кӧ ончаш, эскераш тӱҥалеш? Телым гын, мутлан, тушко корным эрыктыман… Верысе муниципальный объект семын тудын озаже лийшаш. А балансыш пуртыде, арендышкат налаш ок лий, закондымын ыштыме сооруженийлан шотлалташ тӱҥалеш.
Чыла тидым рашемдаш да шот дене ышташ манын, мер вий дене ыштыше тӱшка Тынбай ялсовет администрацийым вуйлатыше Д.Д. Янгубаевым ӱжын ыле. Пырля чумырген кутырымек, балансыш налме йодышым мучаш марте рашемдаш Д.Д. Янгубаев районысо кучемын мланде погылан вуйын шогышо специалистше-влак деке миен каҥашаш сӧрыш.
И.ГУБАЕВ.
Тынбай, Мишкан район.
Завоевали серебро и бронзу по легкой атлетике
25 апреля четверо спортсменов Нефтекамского психоневрологического интерната отправились в столицу Республики Башкортостан. В Центре спортивной подготовки имени Римы Баталовой прошли чемпионат и первенство Республики Башкортостан по спорту лиц с интеллектуальными нарушениями. Дисциплина - лёгкая атлетика.
Шочмо-кушмо кундемже верч чонжо йӱла
Г.П. АЙТИЕВЫМ, Краснокам район Маняк ялын эргыжым, лудшына-влак краевед, газетыш утларакшым вер-шӧрын историйже нерген возгалыше внештатный автор семын палат. Тудо газет дене ятыр ий кылым куча - калыкым шочмо кундемжын, ялжын историйже, оҥай верлаже дене палдара, сарыште геройла кредалше землякше-влак нергенат каласкала. Таче Генрик Айтиев - газет лаштыкын унаже. Тудо илыш-корныжо, профессийже, ял илыш нерген шонкалымашыже, шочмо йылмына нерген чон почын каласкала.
загрузка
Показать ещёЛевая колонка
О группе
Республиканская общественно-политическая газета на марийском языке.
Издается с 24 апреля 1991 г.
Скрыть информацию
- 8 (34783) 7-07-97
- 452688, Республика Башкортостан, г. Нефтекамск, Березовское шоссе, 4А
Фото из альбомов