МОВА НАНОВА Рэчыца

Нашыя наступныя заняткі будуць са спартовым ухілам. Да нас завітае легендарны беларускі баскетбаліст, трэнер баскетбольнага клуба "Цмокі-Мінск", шматразовы чэмпіён Беларусі, чэмпіён Еўропы ды ўладальнік многіх кубкаў Аляксандр КУЛЬ. Не прамініце сустрэчу з зоркай айчыннага баскетбола!

Сябры, чакаем вас сёння на нашых чарговых занятках. Вядома, што Беларусь - краіна шматнацыянальная. І так было здаўна. Мы заўжды жылі ў міры і згодзе з прадстаўнікамі розных народаў. А сумеснае жыццё ўплывала і на мовы - і нашу, і нашых суайчыннікаў. Пра ўзаемны ўплыў беларускай мовы і двух габрэйскіх - ідышу і іўрыту нам вельмі цікава распавядзе наш госць.

Сябры, віншуем вас з Днём Волі! 101 год таму была абвешчаная першая ўласна беларуская дзяржава - Беларуская Народная Рэспубліка. Гэта быў першы і самы значны крок да таго, каб мы, усё ж, сталі незалежным народам са сваёй дзяржавай. Праўда, шлях да набыцця незалежнасці доўжыўся яшчэ 63 гады, але першая насамрэч гучная заява аб тым, што і мы хочам заняць "свой пачэсны пасад між народамі", адбылася 25 сакавіка 1918 года.

А на нашых апошніх занятках мы разабралі такую з'яву ў сучасным маўленні па-беларуску, як моўная гіперкарэктнасць. А нашым госцем быў сузаснавальнік праваабарончай арганізацыі Human constanta Валдзіс Фугаш, ад якога мы даведаліся, што такое правы чалавека і якія падыходы існуюць у свеце да правабароны.

Пра тое, калі і навошта ў свеце з'явілася такая рэч, як правы чалавека, а таксама пра тое, хто і як іх абараняе, па-беларуску, цікава і крэатыўна нам распавядзе на наступных занятках нашых курсаў адзін з сузаснавальнікаў праваабарончай арганізацыі Human Constanta Валдзіс ФУГАШ. Запрашаем усіх, каму цікава. Уваход на заняткі - свабодны! 4 сакавіка а 18-й гадзіне ў прыватнай банкетнай зале на Савецкай, 184.

А мы чакаем усіх на нашых чарговых занятках. У бліжэйшы панядзелак 25 лютага да нас прыедзе дырэктар знакамітага Веткаўскага музея стараабрадніцтва Пятро ЦАЛКА, які распавядзе пра дзівосную спадчыну веткаўскіх стараабрадцаў. Уваход на заняткі свабодны.