ГРЫНКІ"Вёсачка мая"

НАВІНЫ ДНЯ
Работнікі Грынкаўскага сектара клубнай і бібліятэчнай правялі акцыю " З Першамаем ! ". Яны зазірнулі да вяскоўцаў, якія за сваю плённную працу ўзнагароджаны медалямі і ардэнамі нашай дзяржавы. Віншаванні і букеты вясновых кветак атрымалі Людміла Іванаўна Гарошчык з вёскі Каліноўская, Лідзія Канстанцінаўна Трахімік, Іван Мікалаевіч Гінч і Ірына Аляксандраўна Рулёва з Грынок.

НАВІНЫ ДНЯ
Канцэртнай праграмай " Нас утро встречает рассветом " павіншавалі работнікаў фермы Раманаўцы з Першамаем клубныя работнікі Грынкаўскага сектара клубнай і бібліятэчнай работы і ўдзельнікі аўтаклуба , якім кіруе Віталь Аніська. Добрыя песні, тонкі гумар, шчырыя віншаванні - вось з чаго склаўся святочны канцэрт. Песні гледачам дарылі Святлана Гінч, Віталь Аніська і Арцём Дзяцел. З гумарыстычнымі нумарамі выступілі Ніна Дзідзенка, Кацярына Чурак і Жанна Філіновіч.
Вяла праграму Марыя Самалевіч.

НАВІНЫ ДНЯ Сёння ў Гродна адбыліся святочныя мерапрыемствы з нагоды абнаўлення абласной Дошкі гонару. У складзе дэлегацыі Свіслацкага раёна - работнікі культуры. Пасля ўзнагароджання адбыўся святочны канцэрт.

НАВІНЫ ДНЯ Народны тэатр-студыя гульні "Карагод " Грынкаўскага сектара клубнай і бібліятэчнай работы выступіў з вясёлай праграмай " Велікодны настрой" на Рэгіянальным свяце- кірмашы " Гродзенскія традыцыі да свята Вялікадня" на гульнявой пляцоўцы " Велікодныя забавы". Весела гулялася і дарослым, і дзецям. На пляцоўцы выступілі гульнявыя калектывы з Воранава, Ліды, Астраўца і Ашмян, а таксама тэатр роставых лялек з Дзятлава.

НАВІНЫ ДНЯ
27 красавіка ў Гродна прайшоў Рэгіянальны фестываль -кірмаш рамесленікаў " Гродзенскія традыцыі да свята Вялікадня ". У святочнай праграме прынялі ўдзел аматарскія калектывы і са Свіслаччыны, народны тэатр-студыя гульні " Карагод " Грынкаўскага сектара клубнай і бібліятэчнай работы, аддзел рамёстваў і традыцыйнай культуры. Усе калектывы выступілі вельмі добра, атрымалі падзякі, падарункі і дыпломы. Свята прайшло вельмі цікава.

НАВІНЫ ДНЯ Удзельнікі аматарскага аб'яднання "Творчая майстэрня" прынялі ўдзел ў карысным часе "Журавы памяці". Яны пазнаёміліся з выставай " Вясна.Боль.Памяць", якая зараз дзейнічае ў Грынкаўскім сектары клубнай і бібліятэчнай работы. А потым даведаліся, чаму менавіта журавы з' яўляюцца сімвалам памяці ў нашай краіне. Кожны з дзяцей зрабіў з паперы белага журавы. Падрыхтавала мерапрыемства кіраўнік аб'яднання Ж.М.Філіновіч.

ДАРЫЦЬ ВЁСЦЫ ПРЫГАЖОСЦЬ
Як толькі прыходзяць першыя цёплыя веснавыя дзянькі - у палісадніку Ніны Іванаўны Дзідзенка пачынаюць распускацца кветкі. Перш за ўсё крокусы розных колераў і прымула. Але яна вельмі любіць, калі пачынаюць распускацца цюльпаны. Яшчэ з маленства яна прыкіпела да кветак, заўсёды было іх шмат ля бацькоўскай хаты. А зараз сама, вось ужо колькі гадоў жыве ў Грынках і вырошчвае кветкі і кусты. З задавальненнем дзеліцца рознымі гатункамі з вяскоўцамі і лічыць, каб была прыгожай вёска, трэба , перш за ўсё, наводзіць парадак на сваім двары.