Морко кундем ший памаш

Ончалам фотосӱретым
Шарналтем тунемме жапым
Пӧртылам эрталтше жапыш
Школыш тунемаш пурем
Пуйто лийын тиде таче
Пуренам тунам мый классыш
Вашлиялда шыргыжалын
Парт коклашке ончыкталын
Тунемаш шонет гын эрге
Шич тый таче ончыл партыш
Тунемашак тӱҥалат гын
Лият тые марий шӱдыр
Лийын икымше урок
Тыныс илыш верч тӱняште
Математикым палаш
Кумылаҥын кажныжат
Туныктенда шукемдаш
Пайлаш,ушаш,кудалташ
Чын мучашышке лукташ
Илыш корнышко лекмек
Еш пиалым ешараш
Числамат пайлен керташ
Ешыште иктӧр лийяш
Шке,пелашат,икшыват
Сай лиеш илыш корнет
Числамат ушаш кӱлеш
Шершот - огыл,вуй уш ден
Кудалтен мошташланат
Шуко вийым пыштенда
Геометрий урокат
Эре куштылгын эртен
Умылтарен моштенда
Катет ден гипотенуза

Шке мутет кӱлеш шукташ
Оккӱл еҥым ондалаш
Илыш закон ден илаш
Чылалан пример лияш
Мылам тыге кӱштенат
Шочмо кушмо ачаем
Яклакарак корныштат
Йолым пеҥгыдын шындаш
Камвочмаш деч арален
Лӱдде ончык ошкедаш
Неле, ойгымат сеҥаш
Тура корнышко лекташ
Сугыньым пуен шоген
Илаш мылам кӱштенат
Сурт капка гыч лектынат
Ял урем ден ошкеден
Вашлиялын пошкудет
Ӱдырамашым, йочамат
Поро эрым каласен
Шыргыжалын колтенат
Шинчамат пӱялынат
Воштылтарен эртенат
Куандарен моштенат
Кӱдырчӧ виян йӱк ден
Осал,торжа еҥымат
Веран верыш шынденат
Лишыл поро ачайем
Каласаш мастар улат
Кӱдырчӧ йӱкет денат
Чыным веле ойленат
Тыгак илаш кӱштенат
Кучылтмо ӱзгарымат
Верыш пышташ ойленат
Пашам ы

Кодшо курымым эртен
Таче кечыш шуынна
Кызыт курым - коло икыт
Тыгеракын илена
Урем дене ошкеден
Лач лавырам нӧштылына
Ок воч ынде у асфальтат
Оккӱл ынде почтыжат
Медпункт манме пӧртнажат
Улшо школжым рончена
Пужым коҥгаш олтена
Шикшым веле луктына
Илмынам ончыктена
Ялын школышто тунемын
Калык ушым пойдарен
Пиалан эше илаш
Часамлам вел чоҥена
Бизнец центрыш савырена
Кӱшнӧ ыресым ончен
Вуйнам сайын лугена
Шым сортам тӱлен налат
Тулымак чӱктен шындет
Вигак пиалан лият
Шке вел огыл,тукымет
Уныкат ден пошкудет
Йолташ ден тушманетат
Ончык лийшаш тукымет
Чылан лийыт, пиалан
Уке ынде пасужат
Кушкын шушо шурныжат
Уке мемнан идымат
Идым тич у шурныжат
Огеш гӱжлӧ йӱдымат
Пырчым коштен,шыжымат
Ял шеҥг