___________
____Опам бир йигит биланн бир-бирларини қаттиқ севишарди. Йигит опамни бир зум ҳам ёлғиз қолдиргиси келмасди.
Шунчалик севардики, хатто тун-у кун эшигимиз тагидан кетмасди. Мен уни иссиқ кунда ҳам, совуқ тунда ҳам кўп бора уйимиз қаршисида кўрардим.
Аммо адам билан ойим бу ҳақда билиб қолишгач опамга қаттиқ шарт қўйишди: ё у ёки биз... Опам хонасида роса йиғлади ўша куни. Бу кўз ёшлар етаклаб келган дардни опамнинг кўзларидан бошқа ҳеч қаерда учртамаганман.
Кейин ўша йигит билан умуман кўришмай қўйдилар.
____ Аминман, опам энди фақат Худодан адамнинг рози бўлишини сўрайдиган бўлганди. Кўп ўтмай бошимизга мусибат тушди. Опам оғир хасталигини билдик. Унда мия саратони борлигини эшитганимизда уйимизда деярли ҳамма йиғлаганди. Адам опамни кўп докторлага кўрсатдилар.
____Улар зудлик билан операция қилиш
лозимлигини айтишарди. Бу орада ўша йигит кўп марта телефон қилди. Табиийки, опам унга бу ҳақда айтишимизни умуман хоҳламасдилар. Йигит Москвага кетётганлигини билгач, яна роса йиғладилар.
____Мен ўшанда тушунганман. Инсон ўзидан ҳам баттар йўқотишдан қўрқадиган инсонлар бўларкан дунёда. Ҳар ҳолда опамнинг кўзидан (катта эҳтимолки, қалбидан ҳам) оқаётган кўз ёшлари шундан далолат берарди. охирги марта у билан кўришиш учун руҳсат беришди.
____Ўша кеча опам билан бирга чиқдик. Опам у билан ёнма- ён туриб, бир оғиз ҳам гапирмади. У фақат йиғлади. Йигит эса опамни юпатарди:
"Мен тезда қайтаман, жоним, йиғлама",- дерди у.
____Ўшанда у опамни сўнгги бор кўриб турганлигини қаердан ҳам биларди. У кетгач опам мени қучоқлаб, қулоғимга шивирлаганида бутун вужудим музлаб кетди.
____Опам айнан шундай дедилар:
_______"Нега айнан мен?"..._______
____Йигит кетгач опам у билан телефонда ҳам гаплашмади. Эҳтимол қўрққандир. Унга ҳаммасини айтиб юборишдан қўрққандир. Уни операция қилишадиган кун ҳам келди. Ўша кун кутиш залида ўтириб, Худодан опамнинг тирик қолишини сўрадим.
____Қизил чироқ ўчиб, доктор чиққач эса... адамнинг тошдек қотганлари-ю, ойимнинг эзилиб йиғлаганликлари ёдимда қолган халос. Опамни қабрга қўйдик... Анча вақт Ўтгач, тонгда дастурхон атрофида ўтирганимизда ўша йигит Москвадан телефон қилди. Мен жавоб бердим. Унга опам вафот этганлигини айтдим.
____ У гапимни охиригача эшитмасдан гўшакни қўйиб қўйди. Ўша куни ярим тунда эшик тақиллади. Адам эшикни очганларида қаршисида ўша, опам севган йигит турарди...
____Унинг кўзларида мен опамнинг кўзларида ҳам кўрмаганим ўта кучли алам бор эди. Ўша куни илк бора адамнинг йиғлаганларини кўрдим. Эҳтимол кўз ёшлари бир вақтлар уларни мажбуран айирганликлари учун пушаймонликларидандир...
____Эҳтимол йигитнинг кўзларида опамнинг
юзларини кўргандирлар...!
Присоединяйтесь к ОК, чтобы подписаться на группу и комментировать публикации.
Комментарии 6