ՔՐԻՍՏՈՍ ՅԱՐԵԱՒ Ի ՄԵՌԵԼՈՑ. Ո՞ւր է, մա՛հ, քո խայթոցը, ո՞ւր է, դժոխք, քո հաղթանակը: Քրիստոս Հարությո՜ւն է առել, և դու, մա՛հ, ոչնչացված ես։ Քրիստոս Հարությո՜ւն է առել, և չարերը պարտված են։ Քրիստոս Հարությո՜ւն է առել, և Հրեշտակները ցնծում են։ Քրիստոս Հարությո՜ւն է առել, և կյանքն ազատագրված է։ Քրիստոս Հարությո՜ւն է առել, և Գերեզմանը դատարկ է: Քանզի Քրիստոս, Հարություն առնելով մեռելներից, դարձել է ննջեցյալների առաջին Պտուղը։ Նրան Փա՜ռք և Իշխանությո՜ւն հավիտյանս, հավիտենից. Ամեն Քրիստոս Յարեաւ ի մեռելոց։ Օրհնեա՜լ է Յարութիւնն Քրիստոսի։ Հատված՝ Սբ. Հովհան Ոսկեբերան Հայրապետի «Զատկական Ճառ»-ից
Թագավորդ թագավորաց, Դու՛ ես քավիչ մեղավորաց, Փրկեա՛ ազգս ի փորձանաց Եւ ի ձեռաց անիրավաց։ Տե՛ր, ողորմե՜ա․․․ Ամենասուրբ Երրորդութիւն, Ի Քեն հայցեմք մեզ օգնութիւն, Ննջեցելոց արքայութիւն, Ազգիս Հայոց սե՛ր, միութիւ՛ն։ Տե՛ր, ողորմե՜ա․․․ Յիսուս Քրիստոս, կարո՛ղ Աստված, Քեզ կաղաչեմք բազկատարած, Լու՛ր եւ մաքրե՛ա զմեզ ի մեղաց, Եւ ազատե՛ա ի փորձանաց։ Տե՛ր, ողորմե՜ա․․․ Ողորմութիւն մեզ պարգեւեա, Զհիվանդ հոգիս մեր բժշկեա, Ի բանսարկուեն զմեզ փրկեա, Եւ ի չարեաց անփորձ պահեա։ Տե՛ր, ողորմե՜ա․․․ Դու՛ ես աղբյուր ծարավելոց Եւ փարատիչ ամեն ցավոց, Միջնորդութեամբ առաքելոց Ողորմեսցես ազգիս Հայոց։ Տե՛ր, ողորմե՜ա․․․ Աղաչանոք Սուրբ Հրեշտակաց Եւ աղոթիւք Վերին Զորաց, Լուր Տեր ձայնի մեղավորաց, Փրկեա՛ ազգիս ի փորձանաց
ԳՐԻԳՈՐ ՆԱՐԵԿԱՑԻ / ГРИГОР НАРЕКАЦИ ԲԱՆ ԼԲ / ГЛАВА 32 ՍՐՏԻ ԽՈՐՔԵՐԻՑ ԽՈՍՔ ԱՍՏԾՈՅ ՀԵՏ СЛОВО К БОГУ ИЗ ГЛУБИН СЕРДЦА Ա Եւ արդ, ես հետինս վերոյիշեալ արժանաւորներից, Պատժապարտների կարգը արդարեւ դասելով ինքս ինձ, Ողորմութիւն եմ խնդրում քեզանից բոլորի աղերս-աղօթքների հետ` Նկունների հետ եւ անհամարձակների, Տկարների հետ եւ փոքրիկների, Ընկածների հետ եւ արհամարհուածների, Տարագրուածների հետ եւ դէպի քեզ դարձածների, Երկմիտների հետ եւ աներկմիտների, Կործանուածների հետ եւ վերականգնածների, Ընկճուածների հետ եւ հաստատուածների, Գլորուածների հետ եւ կանգնածների, Մերժուածների հետ եւ ընդունուածների, Ատուածների հետ եւ կոչուածների, Ապշածների հետ եւ զգաստների, Անառակների հետ եւ զսպուածների, Հեռացածների հետ եւ մօտեցածների,