Предыдущая публикация
18 августа - День рождения танцовщицы Селиме Челебиевой, легендарной исполнительницы чарующего танца "Тым-Тым".
Она танцевала столь талантливо и проникновенно, что по праву считается самой лучшей исполнительницей...
Oyun sanatımıznıñ parlaq yıldızı, acayıp oyun gratsiyası ve ustalığı olğan icracı Selime Abla qızı Çelebiyeva 1921 senesi avgust 18-de Simeiz köyünde мektepni bitirgen soñ Yaltada bediy aveskârlar ansambline oyuncı olaraq qabul oluna. Soñundan Yaltada eki yıllıq horeografiya studiasına sınav konkursından keçip, oyun inceliklerini ögrene. Oquvını 1938 senesi bitire. Soñra Aqmescitke kelip, qırımtatar oyun ve yır ansamblinde oyuncı olaraq çalışa. 1944 senesiniñ sürgünligi Selimeni qorantası ile Sverdlovsk vilâyetine ketirip taşlay. 1948 senesi Namanganğa köçeler ve mında Selime 1951 senesinece vilâyet drama teatrinde oyuncı olıp çalışa.
1957 senesi Taşkentte qırımtatar oyun ve yır ansambli teşkil olunğanınen onı kollektivge davet eteler ve o, çoq yıllar devamında, soñundan "Haytarma" dep adlandırılğan bu ansamblde çalışa. Selime Çelebiyeva icra etken "Ağır ava ve qaytarma", "Emircelâl ve qaytarma", "Tım-tım", "Qoqla oyunı" ansamblniñ oyunları altın fondunda özüne munasip yer aldılar. Özüniñ zengin tecribesinen zenaat arqardaşlarınen avesliknen bölüşe, yaşlarnı ögrete.
Selime hanım özü aqqında ayta edi: "Yaş bala olğanda babadan öksüz qaldım, ana ve bitamnıñ elinde ösip büyüdim. Ömürimiz yengil degil edi, bir tilim ötmekni ter tökip tapa edik. Lâkin şay olsa da, köyümizdeki toy-dügünlerge bara, avesnen oynay ve aveskârlar tögereginiñ işlerine aktiv qoşula edim. Menim oyun dep bilgenim bir "Ağır ava ve qaytarma" edi. Sovet akimiyeti quruldı… teatr, klublar meydanğa kele başladı. İstidatımnı ileriletmege, halqqa körsetmege maña da yol açıldı.
Oyun sanatımıznıñ parlaq yıldızı 1989 senesi avgust ayında vefat etti.
Следующая публикация
Комментарии 1