Бешик қучиб аллалар айтган,
Ҳар туққанда ýлимдан қайтган,
Гул ифорли нозик гулбадан,
Сен дунёга кераксан АЁЛ.
Сен бýлмасанг эркаклар хароб,
Орзу, умид, эртаклар сароб,
Майли баъзан берсанг хам азоб,
Сен дунёга кераксан АЁЛ.
Хар бир миллат яшнаши учун,
қўрқмай қадам ташлаши учун,
Ҳар замонда, хар кеча, хар кун,
Сен дунёга кераксан АЁЛ.
Сен қуёшсан мехрга тýлган,
Сен бир гулсан қаровсиз сýлган,
Опа, сингил, она, қиз бýлган,
Сен дунёга кераксан АЁЛ.
Сахродаю чаман боғда хам,
Яхши кунда, юрак доғда хам,
Сочинга оқ тушган чоғда хам,
Сен дунёга кераксан АЁЛ!