У нас на мапе ёсць надзвычай арыгінальная гаворка вёскі Маляшы Бельскага павета Падляшскага ваяводства. Тут кажуць "каздый", "взэ", "цы", "бульс" замест прывычных палеска-падляскіх "каждый" (кожны), "вжэ" (ужо), "чы" (ці) і "бульш" (больш). Цікава, як гэтую з'яву апісваюць навукоўцы.
А заўважыў і даслаў нам гэты скарб беластоцкі радыёжурналіст Źmicier Kościn. Хоць Зміцер далёка не толькі гэты скарб даслаў, а яшчэ шмат іншых. Так што зазірайце на нашу мапу: яна, дзякуючы добрым людзям, абнаўляецца!