Так павялося між людьзей — Год пачынаецца з надьзей... Што Новы — ён не будьзе горшы, Што на патрэбы будуць грошы, Што нас здароўе не пакіне І ўсё ліхое недьзе згіне, Што запануе згода ў сьвеце І на пацеху будуць дьзеці... Што будьзе хлеб! І ранкам кава, Што будьзе час да нас ласкавым: Не ляжа глыбаю на плечы. І будьзе што зварыць у печы. І будьзе гурт, каб тое з’есці. І будьзе кут усім пасесьці. З мальбой да Бога — ад людьзей: Год пачынаецца з надьзей... Оценили 0 человек
Сябры мае! Віньшую вас З найлепшым сьвятам – з Новым годам! Хай новы дьзень і новы час Зьмяце ў мінулае нягоды! Дазвольце шчыра пажадаць, Каб вам у вокны зьзяла сонца, А ў вашы сэрцы благадаць Лілася ліўнямі бясконца! Каб зоркі падалі ў руку, А на стале было да хлеба. І каб хапала ў кашальку На ўсе надьзённыя патрэбы. Хай будьзе ў сем’ях вашых мір, І разуменьне, і пяшчота – Калі любоў – не страсці вір – Дух акрыляе у турботах! Дай Бог здароўя вам збанок І поўны келіх весялосьці, Каб не зваліла стома з ног, Пакуль да вас даедуць госьці! Жадаю ўдачы вам, сьвятла, Дабра, спакою, мудрай згоды – Каб радасць шчыраю была! Жывіце ў шчасьці! З Новым годам!