საქართველო და სამეზობლო

🔴 ნაცმოძრაობამ ხაბეიშვილი გაუშვა

🔴 უკომენტაროდ!!! „რადიო თავისუფლების“ ჟურნალისტების - ნიკო ნერგაძე და ჯიმშერ რეხვიაშვილი. ვინც არ იცით, „საინტერესო“ მოსაზრებაზე რომ ლაპარაკობს, ის ნიკო ნერგაძეა.

🔴 ეს უნდა მოისმინოთ სოციოლოგი ვაკა გორგილაძე კითხულობს, რატომ არ აპროტესტებენ საქართველოში იმას, რაც მართლაც გასაპროტესტებელია. თვითონ მოუსმინეთ.

🔴 რა ღირს მშენებლობა საქართველოში? სტატისტიკის ეროვნულმა სამსახურმა საქართველოში მშენებლობის ღირებულების ინდექსი გამოაქვეყნა. მონაცემები წლევანდელი აპრილის მდგომარეობას ასახავს. როგორც საქსტატი წერს: • აპრილში მშენებლობის ღირებულება, მარტთან შედარებით, 0.6%-ით გაიზარდა. ეს ძირითადად იმიტომ, რომ სამშენებლო მასალების ფასები 0.5%-ით გაძვირებულა. • წინა წლის აპრილთან შედარებით კი მშენებლობის ღირებულების ინდექსი 10.8%-ითაა გაზრდილი — ძირითადად იმიტომ, რომ მშენებლობაზე დასაქმებულთა თვიური ხელფასი 37.0%-ით გაზრდილა, ხოლო სამშენებლო მასალები 4.5%-ით გაძვირებულა.

🔴 შალიკოს ძველი „მარგალიტები“ შეახსენეს ლეიბორისტული პარტიის მამამთავარ შალვა ნათელაშვილს, რომელიც საქართველოს ხელისუფლების წარმომადგენლების დასანქცირების ერთ-ერთი ინიციატორ-ხელშემწყობია, სოცქსელში წარსული შეახსენეს - უფრო სწორად, წარსულში წარმოთქმული ფრაზა-შედევრები. არა, რა - ეს კაცი რომ არ იყოს, არ ვიცი, ვინ გაახალისებდა ქართულ პოლიტიკას 😆

🔴 აფეთქება „ბენზოკალონკაზე“ ძლიერი აფეთქება გუშინ, ღამის 23:14 საათზე მოხდა ერევნის გარეუბანში. აფეთქდა ერევანი-სევანის გზატკეცილზე მდებარე ბენზინგასამართი სადგური, რის შედეგადაც ძლიერი ხანძარი გაჩნდა — იმდენად ძლიერი, რომ ალი რამდენიმე კილომეტრში ჩანდა.

🔴 ბაიდენის საცოდაობა აშშ-ის პრეზიდენტი ჯო ბაიდენი და ქვეყნის პირველი ქალბატონი ჯილ ბაიდენი გუშინ საფრანგეთს ეწვივნენ, სადაც ქვეყანა ნორმანდიაში დესანტის გადასხმის 80 წლისთავს აღნიშნავდა. საზეიმო ცერემენიაზე ისეთი ამბავი მოხდა, მთელი მსოფლიო აალაპარაკა. ბაიდენი, ჯერ იყო და, რაღაც უხილავ სკამზე ცდილობდა დაჯდომას, სანამ ცოლმა არ უკარნახა მალულად, ადეი, კაცო, ფეხზე, სკამი არ გიდგასო; მერე იყო და, რატომღაც პუბლიკისგან ზურგით შეტრიალდა და ახლა ბრიჯიტ მაკრონმა უკარნახა ქმარს, არიქა, ჩვენც შევტრიალდეთ, თორემ მოეჭრა თავი ამერიკას, სირცხვილიაო. აღარ შეუძლია ამ კაცს და რატომ აწვალებენ? 😔

🔴 ვის და რატომ დაუწესდა სანქციები აშშ-ის სახელმწიფო დეპარტამენტის პრესსპიკერმა მეთიუ მილერმა განმარტა, ვის და რატომ დაუწესდა ამერიკული სანქციები საქართველოში.

კავკასიის არწივი-2024 აზერბაიჯანში ერთობლივი სამხედრო წვრთნები „კავკასიის არწივი 2024“ მიმდინარეობს, რომელშიც საქართველოს, თურქეთისა და აზერბაიჯანის სპეციალური ოპერაციების ძალები მონაწილეობენ. ინფორმაციას ამის თაობაზე აზერბაიჯანის თავდაცვის სამინისტრო ავრცელებს. ეს სწავლება 2009 წლიდან ყოველწლიურად იმართება და მონაწილე ქვეყნების სპეცრაზმებს შორის მეგობრობის, თანამშრომლობისა და კოორდინაციის განვითარებას, ცოდნისა და გამოცდილების გაზიარებას, ასევე ერთობლივი მოქმედების უნარის გაუმჯობესებას ისახავს მიზნად.

🔴 ჯაფარას რუსეთთან სავაჭრო კავშირები აწყობს აწყობს რა, ამბობს, რომ რუსეთთან სავაჭრო და ეკონომიკური კავშირების გაწყვეტის მომხრე არასდროს ყოფილა. პირიქით, მიაჩნია, რომ ეს ასეც უნდა იყოს, ოღონდ ერთი პირობით. აქ მოუსმინეთ, რა პირობას ასახელებს.