Naxçıvan Нахичевань

Azərbaycanda qədim amazonların məzarı tapılıb. Naxçıvan Muxtar Respublikasında araşdırma aparan britaniyalı arxeoloqlar burada 4 min il əvvəl yaşamış mifik qəhrəman olan amazonların qalıqlarını aşkar ediblər. Bu barədə Britaniyanın “The Guardian” qəzeti yazır. Nəşr qeyd edir ki, “Naxçıvanda tunc dövrünə aid nekropolda aparılan qazıntılar qadınların ülgüc kimi iti ox ucları, tunc xəncər və gürz kimi silahlarla, eləcə də zinət əşyaları ilə dəfn edildiyini üzə çıxarıb”.

Bu gün Naxçıvan Muxtar Respublikasının yaradılmasının 100 ili tamam olur. 1924-cü il fevralın 9-da alınan muxtariyyət statusu Rusiya ilə Türkiyə arasında 1921-ci ildə bağlanılan Moskva müqaviləsi ilə, daha sonra isə Türkiyə ilə Cənubi Qafqaz respublikaları arasında imzalanan Qars müqaviləsi ilə rəsmiləşdirilib. 1995-ci il noyabrın 12-də ümumxalq səsverməsi ilə qəbul edilən Konstitusiya ilə Naxçıvan Muxtar Respublikasına Azərbaycanın tərkibində muxtar dövlət statusu verilib. Muxtar Respublikası inzibati cəhətdən 7 rayon və Naxçıvan şəhər inzibati ərazi dairəsindən ibarətdir.