У сярэдняй школе №9 г. Оршы пры падтрымцы ўпраўлення ўнутраных спраў Аршанскага райвыканкама стварылі клуб «Зубр" з "міліцэйскім ухілам" . У адкрыцці клуба узяў асабісты ўдзел міністр унутраных спраў Беларусі Іван Кубракоў. Яму таксама прадэманстравалі абноўлены будынак Аршанскага РУУС, на якім адкрылі мемарыяльную шыльду ў памяць пра былога начальніка райаддзела Сяргея Барвянкова – 49-гадовы міліцыянт раптоўна памёр на працоўным месцы сёлета 4 лютага. https://tinyurl.com/mrye7u98
У Лепелі ёсць "крызісны" прытулак для ахвяраў хатняга гвалту, але яго дзейнасць не вельмі запатрабаваная : у 2023 годзе паслуга часовага прытулку прадстаўлена 10 грамадзянам, якія пацярпелі ад хатняга гвалту, з іх 6 жанчын і 4 непаўналетніх. Самастойна звярнуліся па дапамогу 4 чалавекі, па накіраванні аддзела адукацыі - 3 чалавекі, з УАЗ "Лепельская ЦРБ" - 3 чалавекі. https://tinyurl.com/52hujan4
У Глыбокім хлопцам прызыўнога ўзросту напярэдадні вясенняга прызыву падарылі спецыяльныя каляндарыкі. Іх раздала галоўны ідэолаг горада Людміла Карніловіч. Спецыфіка "армейскага" каляндарыка ў тым, што ён разлічаны каляндарык, разлічаны на тэрмін (год і паўтара года) нясення службы. https://tinyurl.com/mwadr4ds
За гвалт над дзіцём аштрафавалі жыхара Оршы. Суддзя суда Аршанскага раёна і Оршы Дзмітрый Разумовіч 9 красавіка за прычыненне цялеснага пашкоджання дзіцяці аштрафаваў на 480 рублёў удаўца Віктара Смаляка. Мажчына пабіў папругай сваю дачку. Гэтага факту ў судзе ён не адмаўляў, але вінаватым сябе не прызнаў. https://tinyurl.com/z8frxe8u
Палітзняволеную Аксану Ючкавіч, ураджэнку Докшыччыны, будуць судзіць пасля трох месяцаў у СІЗА. 34-гадовую дзяўчыну вінавацяць паводле крымінальнага артыкула 342 ст. (Арганізацыя і падрыхтоўка дзеянняў, якія груба парушаюць грамадскі парадак, або ўдзел у іх). https://tinyurl.com/3bwth9ue