«Кто Тебе по достоянию ублажити может, Пресвятая Дево, чии уста воспети способны Твое величие, всяк смысл превосходящее? Вся преславная о Тебе содеянная таинства, Богородице, выше смысла и слова суть; красоте девства Твоего и пресветлой чистоте Твоей удивишася Херувимы и ужасошася Серафимы; чудесе бо рождества Твоего нетленнаго ни человеческий, ни ангельский язык изрещи может. От Тебе бо безлетный и Единородный Сын Божий, Бог Слово, неизреченно воплощишся, родися и с человеки поживе, и Тя, яко Матерь Свою, зело возвеличи. Царицу Тя всея твари показа, нам же известное спасения пристанище. Тем вси под кров Твой притекающий, различными скорбями и болезньми одержимии, приемлют от Тебе богатно утешение и исцеление и Тобою от бед спасаются: Ты бо еси воистину Мати всех скорбящих и обремененных, печальных радость, больных целительница, юным хранительница, старости жезл, праведных похвала, грешным спасения надежда и к покаянию путеводительница: всем бо всегда предстательством Твоим помогавши и всех заступаешь, Всеблагая, прибегающих к Тебе с верою и любовию. Ты и мне помози, отчаянному деяний моих ради. Заступнице усердная рода христианскаго; заступи мя, да не до конца погибну во гресех, ибо не имам инаго прибежища и покрова, разве Тебе, Владычице Мати Живота; не остави убо мене и не презри мя, но ими же Сама веси судьбами спаси мя, яко благословенна еси во веки веков. Аминь.»
https://www.youtube.com/watch?v=8p0xiDdzesU @Elena_egorova72 https://www.youtube.com/@Elena_egorova72/featured
https://www.youtube.com/watch?v=8rxxnGonWQY 📲Мои контакты👇
...https://www.youtube.com/watch?v=QWyOV__4jik 📲Мои контакты👇
...https://www.youtube.com/watch?v=Z3Qtg_Q-KKY&t=1250s #Акафист #МодераторЕлена #ФеофанЗатворник
...https://www.youtube.com/watch?v=Go6gKA_jtwI #Акафист #YouTubeКаналЕленаЕгорова
Присоединяйтесь к ОК, чтобы подписаться на группу и комментировать публикации.
Комментарии 31