Ку нахътэ шич ца саттам мот ту ғулла.
Ту ишқ сузахъ му ҷӯнанд дъодэ халла.
Мудӯма¢ум ту ҷäт wyз цем ку тар пӯнд.
На нахътойдат ту йакбор аз ху малла.
Ту даргойандумо wуз зор wэрувҷин,
Йа йакбор тäм ту мис дъадъо му калла.
Ба умедъум чу рух цӯнд хъаб пэ боғак.
Пэ борӯнум падам, сут фук га шалла.
Йэ хъабум wуз ту ҷат зъимцанд хъовдат,
Му ғалт дъедандэ weрӯн сат йэ палла.
Wинам ку йакдигар, йаст ҷÿр йадам ху,
Ту калтӣр шол киненат, мунд тэ салла.
Йэ хостгорэ тилаптоw Мушк римедат,
Тайорайум ху сурард wеф дъу чилла.
Мушкалишо 02-07-2020 сол. Москва