Удзел у мерапрыемстве прынялі выкладчыкі, супрацоўнікі, магістранты, аспіранты Купалаўскага ўніверсітэта, Гродзенскага дзяржаўнага медыцынскага ўніверсітэта, Гродзенскага дзяржаўнага аграрнага ўніверсітэта, а таксама Гродзенскага філіяла ўстановы адукацыі «БІП – універсітэт права і сацыяльна-інфармацыйных тэхналогій». Семінар праходзіў у змешаным фармаце і сабраў звыш 120 удзельнікаў.
Падчас працы семінара была звернута ўвага на новыя магчымасці праграмы «Антиплагиат» як інструмента ацэнкі арыгінальнасці навуковых прац, на культуру навуковага цытавання і выкарыстанне запазычанняў у навуковых тэкстах, на кіраванне інфармацыйнымі патокамі ва ўмовах лічбавага адукацыйнага асяроддзя.
Спікерам выступіла Ірына Стралкова, кандыдат педагагічных навук, афіцыйны прадстаўнік кампаніі «Антиплагиа» у Рэспубліцы Беларусь.
Семінар дазволіў удзельнікам павысіць кваліфікацыю ў галіне ацэнкі арыгінальнасці навуковых прац, навуковага цытавання і кіравання інфармацыйнымі патокамі. Гэта асабліва важна ва ўмовах лічбавага адукацыйнага асяроддзя, калі доступ да інфармацыі значна пашырыўся, а праблема некарэктных запазычанняў стала досыць актуальнай. Падобныя мерапрыемствы спрыяюць развіццю супрацоўніцтва паміж адукацыйнымі ўстановамі Гродна ў галіне забеспячэння якасці адукацыі і навуковых даследаванняў.
Присоединяйтесь к ОК, чтобы посмотреть больше фото, видео и найти новых друзей.
Нет комментариев