Қайсидир йили жаҳон чемпионати саралаш учрашувида Тошкентда Японияни қабул қилиб, тинмай ҳужум уюштирган бўлсак-да, 0:1 ҳисобида ютқазиб қўйгандик.
Ўйиндан кейин ОАВ билан учрашган Сервер Жепаров очиқчасига “кўрдиларинг, ҳужум уюштирдик, бизда ҳам улардан кам имконият бўлгани йўқ, аммо ютқаздик, демак, ҳали японлар даражасида эмасмиз ёки боримиз шу...”, деган маънода гапирганди.
Бугун Жанубий Корея билан тенгма-тенг ўйнадик. Аниқроғи, рақибнинг биздан кучли эканлиги сезилиб турган бўлса-да, футболчиларимиз ҳайиқмасдан тўп суришди.
Дарвозани ишғол қилиш учун корейслардан кам имкониятга эга бўлганимиз йўқ. Аммо яна ютқаздик.
Ҳозир ҳамма аламзада бўлиб турганини ҳис қилиб турибмиз. Гарчи холис бўлиши керак бўлган журналистлар ҳам айбни кимдандир қидиришга ҳаракат қилмоқда. Биринчи голда хато қилган Муҳаммадиевни айблашмоқда. Иккинчи голда фахрий Ча Ду Рига ета олмаган Искандеров ва Денисовни айблашмоқда. Энг катта айбни мураббийлар штабига юклашяпти. Бироқ тан олайлик, бугун биздан сал бўлса-да, кучлироқ бўлган рақиб ғалаба қозонди.
Футболда бир гап бор. Омад кучлиларга кулиб боқади. Кучли жамоа аъзолари қачон қандай ўйнашни билади.
Бугун корейсларга шу жиҳатлар ёрдам берди. Улар айрим жиҳатлари бўйича биздан кучли бўлганликлари учун ҳам хатоимиздан унумли фойдаланди ва бизни “таслим” этди. Шунинг учун футболчиларимиз ва мураббийларимиздан хафа бўлманг, уларни сўкманг, уларнинг ота-онасини ёмон сўзлар билан ёдга олманг.
Боримиз шу! Хоҳласак-хоҳламасак биз бундан ортиғига қодир эмасмиз!
Чунки корейс футболчилари билан бизнинг йигитлар орасидаги савия орасида катта фарқ бор. “Локомотив” етакчисига айланиб улгурган Денисов ёши қирққа яқинлашиб қолган Ча Ду Рининг йўлини тўса олмади. Ваҳоланки, у бугун “К” лигада тўп тепади, Европада эмас. Шунинг ўзиёқ ниманидир англатмайдими? Буни тан олайлик.
Шундай бўлса-да, йигитлар ғалаба учун борини берди. Бироқ насиб қилмаса фойдаси йўқ. Аксинча, хатолардан тўғри хулоса чиқариш керак. Футболчиларимизни эмас, футболимизни тозалаш керак. Кейин футболимизга тоза-тоза футболчилар етишиб чиқади. Энди хотиржам бўлинг, сиқилманг, сўкинманг. Бу билан ҳеч нарсага эриша олмайсиз. Чунки асл муаммо сизда ёки терма жамоамизда эмас, футболимизда!
Буни масъулларимиз ҳис қилмас экан, шу савияда қолаверамиз ва аламли мағлубиятларга учрайверамиз.
Присоединяйтесь к ОК, чтобы подписаться на группу и комментировать публикации.
Комментарии 18
Saytda muamoga duch keldingizmi logen yoki porolingizni unutdingizmi?
Yoki Profilingiz blok xolatdami ?
Ushubu muamoning yechimi bor faqat bizda va bizga murojat qiling.
Xizmat narxi kelshilgan va arzon narxda bo'ladi.
murojat uchun lichkaga yozishingizni soraymiz!!!!