Ջերմորեն շնորհավորում ենք ձեզ Մարտի 8-ի՝ գարնան այս գեղեցիկ տոնի կապակցությամբ:
Շնորհավորելով ձեզ ձեր այս անզուգական տոնի առթիվ՝ ցանկանում ենք ձեզ մշտապես տեսնել գեղեցիկ ու երջանիկ, չէ որ առանց ձեզ, առանց ձեր հմայքի ու սիրո՝ կյանքի ոչ մի ասպարեզում հաջողության հասնելը հնարավոր չէ, որովհետև դուք ձեր ամբողջ էությամբ սեր ու բարություն եք, քնքշություն ու գեղեցկություն և ոգևորման անսպառ աղբյուր, կյանքի սկիզբ ու հավերժություն:
Գարունը կյանքի վերածնունդն է, սակայն գարունն այդքան լուսավառ ու ծաղկուն չէր լինի, եթե մեր կողքին չլինեիք դուք` սիրելի՛ կանայք, մայրեր, քույրեր:
Մենք ծնվում ենք ձեր շնորհիվ, ապրում ձեր հոգատարությամբ, պայքարում` ձեզ համար, արարում ու ստեղծագործում` ձեր սերն ու հիացմունքը նվաճելու համար, իսկ մեզանից շատերն էլ երջանկություն են ունենում ծերանալ ձեզ հետ միասին: Առանց գեղեցիկ սեռի կյանքը սին ու գորշ կլիներ: Այս խենթ աշխարհում, ուր գրեթե չկա մի անկյուն, որտեղ անհանգիստ չլինի, դուք եղել ու մնում եք միակ ապավենը, խաղաղության ու ոգեղենության միակ աղբյուրը: Սրտանց մաղթում եմ, որ ձեր կյանքի տղամարդիկ արժեվորեն, գնահատեն, սիրեն, փայփայեն, պաշտպանեն, հոգ տանեն ու նվիրվեն ձեզ:
Շարունակեք գեղեցկացնել կյանքը ձեր գեղեցիկ ներկայությամբ, շարունակեք մեզ պարգևել գարուն...
Присоединяйтесь к ОК, чтобы подписаться на группу и комментировать публикации.
Нет комментариев