ஜ MARAQLI HADİSƏLƏR ИНТЕРЕСНЫЙ СОБЫТИЯ ஜ

Təkcə son bir həftədə 6500-dən çox rus hərbçisi məhv edilib. Bunu Ukrayna Silahlı Qüvvələrinin general-leytenantı, Quru Qoşunlarının komandanı Aleksandr Pavlyuk deyib. “2024-cü il aprelin 21-dən aprelin 28-dək olan həftə ərzində Ukrayna ordusu düşmənin 6620 şəxsi heyətini məhv edib. Bundan başqa, Rusiyanın 849 ədəd silah və hərbi texnikası məhv edilib. Söhbət 50 tank, 95 zirehli döyüş maşını, 229 artilleriya sistemi, 4 reaktiv yaylım atəş sistemi, 9 hava hücumundan müdafiə qurğusu, 280 ədəd avtomobil texnikası və 45 ədəd xüsusi texnikadan gedir”, - Pavlyuk bildirib.

Arvadını yaşadıqları mənzilin balkonundan ataraq xüsusi amansızlıqla öldürməkdə təqsirli bilinən “Buta Palace”ın keçmiş art direktoru Ramiz Taxveli vəfat edib. Taxveli bu yaxınlarda müalicə aldığı psixatriya xəstəxanasında dünyasını dəyişib. Qeyd edək ki, Ramiz Taxveli 2018-ci ildə 30 yaşlı arvadı Adelya Taxvelini evinin balkonundan ataraq qəsdən öldürüb. 

Baş Prokurorluq, Daxili İşlər Nazirliyi və Minatəmizləmə Agentliyinin (ANAMA) birgə yayınladığı məlumata görə, Naxçıvan Muxtar Respublikasının Sədərək rayonunun Qaraağac kəndi ərazisində Ermənistan tərəfindən vaxtilə atılmış hərbi sursatın partlaması nəticəsində 1951-ci il təvəllüdlü Rzayev Vilayət Həsən oğlu və 1970-ci il təvəllüdlü Əliyev Adəm Həsən oğlu həlak olub. Prokurorluq əməkdaşları tərəfindən hadisə yerinə baxış keçirilib, müvafiq ekspertizalar təyin olunmaqla zəruri prosessual hərəkətlər icra olunub. Faktla bağlı Sədərək rayon prokurorluğunda araşdırma aparılır.

Qrip virusu yeni pandemiyaya səbəb ola bilər. Bu barədə "The Guardian" beynəlxalq araşdırmaya istinadən yazır. Sorğuda dünyanın müxtəlif ölkələrindən 187 alim iştirak edib. Onların 57 faizi qrip virusunun başqa bir ştamına görə yeni pandemiyanın baş verəcəyini qeyd edib. Respondentlərin daha 21 faizi “X Virus”unun bütün dünya üçün təhlükəyə çevriləcəyinə əmindir. "Qrip hər qış ortaya çıxır. Bu epidemiyaları kiçik pandemiya adlandırmaq olar. Onlara az-çox nəzarət edilir, çünki səbəb olan müxtəlif ştamlar kifayət qədər virulent deyil. Lakin bu, həmişə belə olmayacaq", - Köln Universitetinin tədqiqatçısı Con Salmanton-Qarsiya bildirib. Bundan əlavə, sorğuda iştirak edən alimlərin 15 faizi "Sars-CoV-2"nin yenidən pandemiyaya səbəb ola biləcəyinə əmindir.

Qəmbər Hüseynlinin "Cücələrim" mahnısı əcnəbi orkestrin ifasında

Erməniəsilli Rusiya şahmatçısı Harri Kasparov və Dövlət Dumasının keçmiş deputatı Gennadi Qudkov “terror icması” yaratmaqda ittiham olunublar. Komi məhkəməsi onları qiyabi həbs edib. Həmçinin Sıktıvkar Şəhər Məhkəməsi hər iki şəxsi “terrorçuluq fəaliyyətini maliyyələşdirməkdə və terrorizmə ictimai çağırışlarda” ittiham edib. Bildirilir ki, Rusiya Federal Təhlükəsizlik Xidmətinin (FSB) Komi Respublikası üzrə İdarəsinin materialları əsasında cinayət işi başlanıb. İttihamın təfərrüatı açıqlanmır.

Ermənilər Qazaxla sərhəddə etiraz mitinqi təşkil ediblər

Alimlər ölüm riskini azaltmağın sadə üsulunu kəşf ediblər. Bu üsul çoxları üçün gözlənilməz və hətta qəribə görünəcək. Araşdırmalara görə, dostluq həyati əhəmiyyət kəsb edir və vaxtından əvvəl ölüm riskini azalda bilər. Yaxınlarınızla ünsiyyət stressi azaltmağa kömək edir və rahat bir vəziyyət təmin edir. Elmi təcrübələr göstərir ki, 80 yaşdan yuxarı insanlar üçün müntəzəm sosiallaşma, sosial təmasdan qaçmağa üstünlük verənlərlə müqayisədə növbəti beş il ərzində ölüm ehtimalını iki dəfədən çox azaldır. Hətta təsadüfi ünsiyyət ölüm riskini 11%, həftədə bir dəfə müntəzəm söhbətlər isə 13% azalda bilər. Siçuan Universitetinin Qərbi Çin Xəstəxanasının mütəxəssisləri sosiallaşmanın sağlam həyat tərzini təşviq etdiyini, fiziki aktivliyi artırdığını və stressi azaltdığını bildirirlər. Beş il ərzində aparılan müşahidələr nəticəsində məlum olub ki, insanın sosial həyatı nə qədər aktivdirsə, onun ömrü də bir o qədər çox olur. Sosial təcrid narahatlıq və stressə səbəb ola bilər ki, bu da ağ qan hüceyrələrinin səviyyəsinə mənfi təsir göstərə bilər. Kaliforniya Universitetinin tədqiqatçıları qeyd edirlər ki, stress orqanizmdə iltihabı stimullaşdıran genləri aktivləşdirir, eyni zamanda iltihabi proseslərin inkişafına kömək edən xəstəliklərlə mübarizə aparan genlərin fəaliyyətini boğur.

Ali Məhkəmənin Kommersiya Kollegiyasının hakimi İlqar Dadaşovun yaşadığı evdə asılmış vəziyyətdə tapıldığı bildirilir. Hadisənin aprelin 27-də bağ evində baş verdiyi deyilir. Məlumatı hüquq-mühafizə orqanlarındakı mənbə də təsdiqləyib. Mənbə bildirib ki, hadisənin intihar, yoxsa cinayət olmasıyla bağlı araşdırma aparılır. Hələlik Baş Prokurorluq və Ali Məhkəmə olayla bağlı rəsmi açıqlama yaymayıb. Hakimin uzaq qohumu isə AzadlıqRadiosu-na bildirib ki, İlqar Dadaşov şəkərli diabetdən əziyyət çəkirdi: “Xəstəlikdən son vaxtlar depressiyaya düşmüşdü”. 1962-ci il təvəllüdlü İlqar Dadaşov hüquqşünas kimi fəaliyyətinə 1989-cu ildə vəkilliklə başlayıb. 4 il vəkil kimi fəaliyyət göstərdikdən sonra 1993-cü ildən prokurorluqda işləyib. 7 il prokurorluqda idarə rəisi olub. İlqar Dadaşov 2000-ci ildən hakim kimi fəaliyyət göstərib. O, Ali Məhkəmədən öncə apellyasiya məhkəməsində mülki mübahisələrə baxırdı. 2010-cu ildən isə Ali Məhkəmənin hakimi təyin edilib.

Aprelin 26-da Xorvatiyanın paytaxtı Zaqrebdə keçirilən cüdo üzrə Avropa çempionatında Hidayət Heydərov qələbə qazanaraq dördüncü dəfə Avropa çempionu olub. Heydərov (-73 kq.) Albaniya, Portuqaliya və Moldovadan olan rəqibləri üzərində qələbə qazanaraq finala yüksəlib. Final görüşündə o, Danil Lavrentyevi (fərdi neytral idmançı) məğlub edərək çempion titulunu qazanıb. Qeyd edək ki, Hidayət Heydərov bundan əvvəl 2017, 2022 və 2023-cü illərdə böyüklər arasında Avropa çempionatının qızıl medalını qazanıb.