У рамках Міжнароднага дня помнікаў і гістарычных мясцін вучні 3 класа мясцовай школы здзейснілі падарожжа ў гісторыю "Полацк - калыска беларускай дзяржаўнасці". Дзеці даведаліся пра гісторыю з'яўлення самага першага горада на тэрыторыі нашай краіны, які быў заснаваны на берагах рэк Палаты і Заходняй Дзвіны.
Бібліятэкар расказала школьнікам пра першага Полацкага князя Рагвалода і ягоную знакамітую дачку Рагнеду, пра магутнага князя Усяслава Чарадзея і ягоную ўнучку, вядомую асветніцу Еўфрасінню Полацкую. Канешне ж, узгадалі і першадрукара Францыска Скарыну.
Ад бібліятэкара дзеці даведаліся пра стварэнне ў 1967 годзе Полацкага гісторыка-культурнага музея-запаведніка, які атрымаў статус Нацыянальнага ў 2000 годзе. У склад запаведніка сёння ўваходзяць 11 філіялаў, інфармацыю аб якіх можна атрымаць дзякуючы сайту http://polotsk.museum.by/ .
Напрыканцы мерапрыемства хлопчыкі і дзяўчынкі прагледзелі прэзентацыю пра асноўныя помнікі Полацка і праслухалі музычны твор у выкананні знакамітай арганісткі Ксеніі Пагарэлай.
Присоединяйтесь к ОК, чтобы подписаться на группу и комментировать публикации.
Нет комментариев