«Арсенал»нинг янги устози Микель Артета ўзининг мураббийлар штабига кирадиган мутахассисларни аниқлади, деб хабар беради клуб расмий сайти.
Артета тайинлангунига қадар жамоани вақтинчалик бошқариб турган Фредрик Юнгберг штабда қоладиган бўлди.
Шунингдек, «Арсенал» мураббийлар штабидан Альберт Стуйвенбер, Стив Раунд ва Инаки Павон ҳам ўрин олишди.
Стуйвенбер –Уэльс миллий жамоаси бош мураббийи Райан Гиггзнинг ёрдамчиси. У Лондон клубида ва Уэльс миллий жамоасида 2020 йилги Европа Чемпионатига қадар тенгидан иш олиб боради. У аввалроқ «МЮ»да Луи ван Галнинг ёрдамчиси ҳам бўлган.
Раунд «Эвертон»да Дэвид Мойеснинг ёрдамчиси бўлган. У Англия миллий жамоасида ҳам ишлаган, яна «Астон Вилла» клубининг спорт директори бўлган.
Павон «Арсенал»га дарвозабонлар мураббийи сифатида келди. У бунгача Англияда «Брентфорд» клубида ҳамда Испания, Данияда ишлаган.
«Арсенал» АПЛдаги навбатдаги ўйинини 26 декабрь куни «Борнмут»га қарши ўтказади. Бу Артета учун дебют баҳс бўлади.
Присоединяйтесь к ОК, чтобы подписаться на группу и комментировать публикации.
Комментарии 1