Натхнёная, сьмелая, сьведамая. Гатовая дзейнічаць, крэатывіць. Узброеная мабільнымі тэлефонамі, тэлеграмам і інстаграмам. Бяз досьведу паразаў і без самацэнзуры. Так, яны ня ведаюць пра 90-я і 2000-я, для іх той час — як СССР для майго пакаленьня — чужы і далёкі.
Арт Сядзіба трэці год праводзіць моладзевы летнік, зь лекцыямі, практыкаваньнямі, намётамі і вогнішчам — усё як мае быць. Гэтым разам — на Гарадзеншчыне, каля Дзятлава, на рацэ Шчара. Удзельнікі — цяперашнія 18-гадовыя, з розных куткоў Беларусі, нядаўнія школьнікі, цяпер студэнты.
Калі шчыра, я сам марыў бы пабываць на такім летніку ў свае 18. Гэта супэр-інтэнсіў — уводзіны ў Беларушчыну. Практыкаваньні: паставіць спэктакаль, стварыць канцэпцыю канцэрту, запісаць падкаст і лайв-шоў, запусьціць інстаграм-праект, зьняць кліп, намаляваць афішу... на кожнае заданьне даюцца пару гадзінаў і падказкі дасьведчаных ментараў. Вечарам — купальскія гульні, сьпевы пад гітару (толькі беларускамоўныя гурты), вершы каля вогнішча. Прыемна было назіраць, як за некалькі дзён людзі раскрываюцца і пераходзяць на беларускую мову.
Пасьля летніка ўсё толькі пачынаецца. Моладзь застаецца з Арт Сядзібай і далей рэалізуе свае праекты пад яе шыльдай. Арт Сядзіба працуе як інкубатар беларускай культуры.
Присоединяйтесь к ОК, чтобы посмотреть больше фото, видео и найти новых друзей.
Комментарии 1