«Մադրիդի Ռեալի» պաշտպան Դանի Կարվախալի կարծիքով վերջին երկու Կլասիկոներում կրած պարտությունները անարդար էին։ Կատալոնական ակումբը մի քանի օր առաջ կարողացավ գավաթային խաղում 0-3 հաշվով առավելության հասնել «Ռեալի» նկատմամբ, իսկ թիմերի միջև երեկ կայացած խաղում «Կապտանռնագույնները» հաղթեցին նվազագույն հաշվով։
Այնուամենայնիվ «Ռեալը» այդ երկու խաղերում լավ տպավորություն թողեց, և Կարվախալը զղջում է չիրացված պահերի համար։
«Կարծում եմ, որ սրանք երկու մրցակցային խաղեր էին։ Գավաթային խաղում մենք ավելի շատ պահեր ունեինք, և կարծում եմ՝ պարտությունը անարդարացի էր, իսկ երեկվա խաղում երկու թիմերն էլ հավասար խաղ ցուցադրեցին։ Այժմ մենք Լա Լիգան հաղթելու շատ քիչ շանսեր ունենք, բայց պետք է կենտրոնանանք առաջիկա խաղերի վրա։ Դու երբեք չպետք է սեփական հարկի տակ երեք անգամ պարտվես «Բարսելոնային», բայց մենք շնորհակալ ենք երկրպագուներից։ Կարծում եմ՝ ֆուտբոլը անարդար գտնվեց մեր նկատմամբ։ Մենք պետք է առաջ նայենք ու մոռանանք այս ամենը։ Մենք պետք է սկսենք ավելի շատ գոլեր խփել, քանի որ ներկա պահին մեզ հենց դա է պակասում հաջողության հասնելու համար։ Մենք շատ պահեր կորցրինք, բայց լավ էինք աշխատում։ Իմ՝ այստեղ գտնվելու օրվանից, սա ամենաբարդ շաբաթն էր, որ ես ունեցել եմ». ասել է Կարվախալը։
Комментарии 1