Удзел у мерапрыемстве прынялі пракурор Нясвіжскага раёна Віталь Іванавіч Галубовіч, былы старшыня Гарадзейскага пасялковага выканаўчага камітэта Леанід Пятровіч Качановіч, настаяцель парафіі святога Юзафа ксёндз Аляксандр, мясцовая жыхарка і паэтэса Людміла Тадэвушаўна Трэццякова – Браноўская. Сярод прысутнічаючых былі майстра спорту СССР міжнароднага класа, карэнны жыхар г.п.Гарадзея Аляксандр Сяргеявіч Хмяльніцкі, прадстаўнікі эксперыментальнай базы “Свеклавічная” - галоўны аграном Яўген Вадзімавіч Саліта, намеснік дырэктара Кацярына Мікалаеўна Мархель.
У ходзе мерапрыемства Леанід Пятровіч Качановіч і ксёндз Аляксандр распавялі гісторыі з’яўлення гістарычных помнікаў архітэктуры Гарадзеі, такіх як: Праабражэнская царква ва ўрочышчы “Урвант”, прыдарожная капліца па вуліцы Шашэйная, помнік ахвярам Першай Сусветнай вайны, касцёл Святога Юзафа.
Шмат звестак было распаведзена прысутнічаючым аб яшчэ адным стыхійным помніку, які з’явіўся ў пасёлку ў 2004 годзе дзякуючы фонду імя Саймана Марка Лазаруса - помнік ахвярам Гарадзейскага Халакосту. Так, пракурор Нясвіжскага раёна Віталь Іванавіч Галубовіч, распавядаючы аб раследаваннях крымінальных спраў па факце генацыду беларускага народа, у тым ліку і аб допытах мясцовага насельніцтва, якія былі сведкамі тых часоў, непасрэдна заклікаў моладзь заўсёды памятаць пра тое, што перажылі нашы продкі, аб тых злачынствах, ад якіх пакутавалі людзі і яўрэйскай, і беларускай нацыянальнасцей.
Пры заканчэнні мерапрыемства паэтэсай Людмілай Тадэвушаўнай Трэццяковай – Браноўскай былі зачытаны аўтарскія вершы аб родных мясцінах, якія прынялі форму непаўторнасці і вобразнасці таго роднага краю, які ведае кожны з нас і якія добра захаваліся ў нашай свядомасці чалавечага быцця.
Як адзначыла вядучая мерапрыемства бібліятэкар і краязнаўца Наталля Апацкая:
- Наша гісторыя поўная цікавых з'яў і момантаў, але звесткі аб жыцці асобных жыхароў таго часу робяць гісторыю нашага мястэчка яшчэ больш захапляльнай, а мы, як нашчадкі нашых продкаў, павінны зберагчы тое, што нам пакінута ў спадчыну, і не толькі зберагчы, але і папоўніць нашу скарбонку мінулага, даць яму імёны і ажывіць вобразамі, ўзятымі з нашых душаў.
Комментарии 1