А напярэдадні значных дат героі ахінуты асаблівым клопатам з боку улады, грамадскіх арганізацый, працоўных калектываў і ўдзячнай моладзі. Традыцыйна з удзелам нашых слаўных землякоў ладзяцца сустрэчы, урачыстыя мерапрыемствы. А таксама ім уручаюцца падарункі.
Бягучы год не выключэнне, тым больш ён азнаменаваны 80-годдзем вызвалення нашай любай Бацькаўшчыны ад карычневай чумы. Але перш адбудуцца дзеі, прысвечаныя 9 Мая. У рамках святкавання Дня Перамогі па ўказе Прэзідэнта ветэранам вайны і асобам, якія пацярпелі ад яе наступстваў, выплачваецца матэрыяльная дапамога. Дадзеная акцыя ў рэспубліцы праводзіцца ў перыяд з 25 красавіка па 4 мая.
У ліку першых на Любаншчыне такое заахвочванне атрымала Валянціна Касцюкавец – ветэран з аграгарадка Таль. За плячыма сталай жанчыны няпросты жыццёвы шлях, але, нягледзячы на ўсе выпрабаванні лёсу, яна захавала бадзёрасць духу, жыццярадаснасць і любоў да людзей. Валянціна Афанасьеўна шчыра прывітала гасцей – прадстаўнікоў кіраўніцтва райсавета дэпутатаў, райвыканкама і раённай арганізацыі грамадскага аб’яднання “Беларускі саюз жанчын” – і падзякавала за цеплыню, чуласць, нераўнадушша да сталага пакалення. А яны ў сваю чаргу зычылі шаноўнай вяскоўцы сустрэць яшчэ не адну мірную вясну і радавацца кожнаму дню.
Як паведаміла намеснік старшыні райвыканкама Тамара Дамашэвіч, увогуле ў нашым раёне матэрыяльная дапамога да 9 Мая будзе выплачана 2 ветэранам і 28 грамадзянам асобных катэгорый, што пацярпелі ад наступстваў вайны.
Присоединяйтесь к ОК, чтобы подписаться на группу и комментировать публикации.
Комментарии 1