Ленаҕа - муус устуута СӨ Ленскай оройуонугар бара турар. Муус алын кырыыта Крестовскай уу пуоһун таһынан, үөһээ кырыыта Пеледуйга. Муус 34 км уһуннаах, сууккаҕа 20 км барар.
Пеледуйга - уу таһыма 1099, кутталлаах кирбии 1200. Ленскэйгэ 551 см, к/к 1410 см, дамба таһынан 1740 см. Хамра уонна Мурья таһынан хамсааһыннар бааллар.
Өлүөхүмэҕэ уонна киин улуустарга араас кээмэйдээх уу үрдээһинэ салҕанан бара турар.
Нүүйэҕэ - ыам ыйын 6 күнүгэр муус барыыта саҕаламмыта. Уу таһыма 700 см, к/к 1000 см, Бэчинчэ таһынан 700 см, к/к 1000, муус кыралаан устар. Бу күннэргэ уу салааҕа тахсара күүтүллэр.
Өлүөхүмэҕэ - Дьиикимдэ таһынан 5 күнү эрдэлээн, ыам ыйын 6 күнүгэр муус барыыта саҕаламмыта. Куду Күөлгэ уу таһыма 877 см, 4 чаас иһигэр 7 см эбилиннэ. Уу пуоһун аллара өттүнэн харыы баар. Икки-үс хонугунан салаа чааһыгар муус хамсыаҕа.
Чаараҕа - Токко таһынан муус хамсаата, уу тахсар. Бэс Күөлгэ ыратык муус барар.
Тээнэҕэ - Тээнэ сэл.таһынан уу таһыма 248 см, муус кыралаан барар.
Алдаҥҥа - Чагда таһынан муус хойуутук устар, Алдан, Уус Майа, Томпо оройуоннарыгар муус хамсааһына, уу тахсыыта бэлиэтэнэр. Эльдикан - Кириэс Халдьаайы учаастагар уу үрдүүрэ тохтообот, Хаандыгаҕа уу таһыма сууккаҕа 84 смүрдээтэ. Учур, Ааллаах Үүн, Майа салааларыгар муус бара турар.
Аммаҕа - муус Алдан, Амма улуустарыгар бара турар. Алын кырыыта Мээндигэҕэ.
Амма сэл.уу таһыма 243 см, муус кыралаан устар. Үөһэ кырыыта Бууйаҕаҕа баара бэлиэтэнэр. Бу күннэргэ Чурапчы кыраныыссатыгар тиийиэҕэ.
Туобуйаҕа - Сүлдьүкээр аннынан 6 хонук эрдэлээн муус хамсаата. Сунтаар улууһугар уу таһыма сууккаҕа 40-60 см үрдээтэ. Кириэстээх-Сунтаар учаастагар бу күннэргэ муус хамсыаҕа.
Хотугу өрүстэр кыһыҥҥыларынан сыталлар. Зырянка таһынан муус үрдүгэр уу таҕысиа.
Горнай улууһугар Дьүктүйээнэ үрэххэ, Бэс Күөл сэл. таһынан уу таһыма 958 см. Хаар Балаҕан үрэххэ 226 см., Орто Сурт-Кэптин суолугар 32 км 50 м суолу уу ылан, сырыы хааччахтанна.
Нэһилиэнньэ истиитигэр! Булчуттар, сааһыттар сэрэхтээх буолуҥ. Бу күннэргэ быыһыыр сулууспа куруук үлэлии сылдьар. Муус барар сиригэр тахсымаҥ. Бэйэҕит олоххутун харыстааҥ!
Саха Өрөспүүбүлүкэтин гражданскай көмүскэлин уонна нэһилиэнньэ олоҕор-дьаһаҕар куттал суох буолуутун хааччыйыы министиэристибэ пресс-сулууспата
Присоединяйтесь к ОК, чтобы подписаться на группу и комментировать публикации.
Нет комментариев