"ПОРТОВКА"

Тундо сась. Телесь ютась, тундо сась, Сон од платия оршась, Пиже котат пильгсэнзэ, Валдо сэнь паця прясонзо. Весеменень сюконясь, Весеме марто кутмордась, Нолдась менельс нурманькат - Мазый чиде морытят. Тундось моли лугава, Яке сон вирь малава, Лейсэнть веденть токшизе, Эребанть сон палызе. Чись маней менельсэ Вечкизе покш седейсэ, Моданть лембстэ эждизе, Кедькуншкасо кирдизе. Берёк чиресэ цецясь Ожо пацине сюлмась, Пек сон чинтень кецьне, Теке эйкакш вишкине. Латкинева кадовсь ловось, Ламо тов вармась пувась, Тикшенть ютксо ашолдэ, Пек васолов неяве. Тундо, тундо, тундыне, Тонть шкась пек мазыйне, Натяс ютат, кизэ сы, Кадык канды вадря чи. Елена Слугачёва. Перевод. Вес

Эрзянь моро. Кодамо мазый эрзянь морось, Теке лейне кев ланга чуде, Пек кецьне вечкема масторось, Зярдо эрьзянь кельсэ валт маре. Эрзянь морось лисе седейстэ, Покш паксядо, ашо килейде, Чачома кудо ёнксонть эйстэ Морось то нусманя, то пейде. Ульсянть кувалма моле морось, Эрьва вальма икеле сон лотке - Кода мода лангсо паро эрямось, Кода чись налксезь валге. Кода чинжарамось ожосто цвете, Раужо лёмзёрось тантевстэ кенерсь, Пизёл чувтось мазыйстэ якстерде - Теде морось морэ менель пес. Моронть марто тельня а кельмат И тунда ёжозо лембе, Сонзе марто ризнеме а кармат И лоткат натяс середеме. Кадык морось эре ломань марто, Вишка пингинестэ ды сыре чис, Кадык морэ и чече и ванды И карме се