Tatlar

TATHA (bə millətmən bə məhəbbətaz) Zinət cahanü, şöhrətü, həm şanmunü tatha, Övladha Vatan, layiqü şayanmunü tatha. Key sər Vatanə usta sərirə siyə öürə, Əndumha sipər saxtəha - mərdanmunü tatha. Xunha çü xarundund bə həzar xunxarə cəllad, Ta histü nəfəsmun, kələ dastanmunü tatha. Rüh' əcdadə daştund və rasundund bə nəsilha, Şipşirinə zuhun may, ədəb-ərkanmunü tatha. Key şar bü Vatan, dülhaşu pur xəndə, şari bu, Key qüssə vinim, dan ki, pərişanmunü tatha. Çən sadha, həzarha ədib, alim bə Vatan da, Ustadə müqənni və qəzəlxanmunü tatha. Cəngavərü - bey cəng ama b

ZUHUN TATİ 'Əsəl, dişov, şəkər, şərbəti, Zuhun tati, ey zuhun tati. Xəzinə gövhər məlahəti, Zuhun tati, ey zuhun tati. Tü ləlmun, cəvahiratmuni, Tü mə'na ruzgar, həyatmuni. Bə müşkülə ruz nicatmuni, Zuhun tati, ey zuhun tati. Ə şəfəqtü dülha bu bahar, Bə eşqtüraz dünyə nəğməkar, Bə numtüraz saxtim iftixar, Zuhun tati, ey zuhun tati. Tü şirinə tənmu, canmuni, Tü şarimun, həyəcanmuni, Tü cənnət Azərbaycanmuni, Zuhun tati, ey zuhun tati. Tü - ney, kəmançəymu, qaboymun, Tü - laylə ən doğməyə moymun, Tü vir başi, xird başü poymun, Zuhun tati, ey zuhun tati. Tüsüz həyatü viranəyim, Hiçim-puçim, vəlg xəzanəyim, Bə şövqtüraz dür zəmanəyim, Zuhun tati, ey zuhun tati. Əmanət ən əcdadunmuni, Lə