Azərbyacan! Od vətənim, od anam,
Bir alışam, bir tutuşam, bir yanam.
Nə müddətdir özüm adlı cahanam
Get, a xotkar, get, a paşa, get, a bəy,
Xəritəyə bir ad düşüb Gədəbəy.
Nə gözəldi bağlarıyla bir yerdə,
Belə gözəl çağlarıyla bir yerdə.
Top dağıtmaz dağlarıyla bir yerdə,
Koroğlular qalasıdır, Gədəbəy!
Azərbaycan balasıdır, Gədəbəy!
Ərənləri boy boylayıb bəy olsun,
Qucağında şənlik olsun, toy olsun.
Gözəlləri işvəlidir qoy olsun,
Sən ol mənim sevgi payım, Gədəbəy.
Sevgiləşsin ilim, ayım, Gədəbəy.
Bir məşəlsən inanmıram, sönəsən,
Xəyalımda elə yenə, yenə sən.
Ümidini hey veribsən mənə sən,
Ümidini itirmərəm, Gədəbəy!
Sənə pis ad gətirmərəm, Gədəbəy!