ЁЛҒИЗЛИК........

Мен йўқ кунларингга кўнақол... Кетдим. Ҳазондек сўлдиму, тўкилдим... Кетдим. Меҳринг қуёш билган оддий гул эдим, Кўнглингдан япроқдек узилдим... Кетдим. Кўзёшим кўлига чўкдиму, Кетдим. Аламни ичимга ютдиму, Кетдим. Севгимни сийнамдан уздиму, олдим, Сўнг сариқ чақага сотдиму, Кетдим. Баҳордан кузларга кўчдиму, Кетдим. Сен деган қалбимдан қочдиму, Кетдим. Бир умр иккимиз биргамиз деган, Ёлғон ваъдалардан кечдиму, Кетдим. Минг бўлак юракни сочдиму, Кетдим. Сенсизлик элига учдиму, Кетдим. Аллоҳдан ўзгани севмайман деган, Илоҳий қасамни ичдиму, Кетдим! Малика Салимова.