"Идел" журналы

Баш күтәрә җирдә фашистлар..
Оныттылар бугай, бар дөньяны.
Кайчан гына сугыш кыйнады,
Кар яңгырга күмеп якты язны,
Май айларын суык чорнады.
Оныттылар! Ничә миллион кеше,
Тыныч булсын өчен дөньялар,
Вәхшәтлеккә каршы күтәрелде,
Ә кемгә соң иде дөнья тар?!
Оныттылар! Күпме үлем, кайгы,
Китергәнен шушы сугышның,
Бүген кабат, дөнья бүләлмиләр,
Юксынгандай кеше кырышны.
Оныттылар..Бар кешелек басып,
Фашистларга каршы көрәшен.
Кремоторийда кеше янган исләр,
Онытылды тәмам күрәмсең..
Баш күтәреп дөнья вәхшиләре
Кабат күрәм, тешен кайрады
Онытмагыз! Күтәрелә майда,
СССР ның Җиңү байрагы!!!
Рамзис Мишәр.

Кышның суыклары җанны телеп,
Сусаганда, шашкан назларга,
Ачып күңелемне, иләс җилгә,
Мин табындым яшел язларга.
Һәр күзәнәк, тәннәремдә булган,
Коендылар кояш нурында,
Күңел шашты чәчкә томанында,
Бәхет тоткан сыман кулымда.
Чыгып китәр булып, какты йөрәк,
Унсигезем гүя үтмәгән,
Күз алдыма, тәүге сөйгән язым,
Шундый бик саф, яшен түкмәгән.
Бу мизгелдә мин бәхетле идем,
Булсын ялкын, күптән үткәннән,
Рәмәт сиңа, минем якты язым!
Димәк тормыш, бушка үтмәгән..
Рамзис Мишәр.

Аңламамын ахыры, мин бу чорны
Аңламамын ахыры мин бу чорны,
Кайда матурлыкны язарга?
Җайлы күреп өйрәнгәндә кеше,
Дөнясына кабер казырга...
Шөхрәт тактасында, сугыш, әфәт,
Мактый үтерүләр коралын,
Күкә чөеп үлемен мактаганда
Гүзәллектән җирдә ни калсын?
Беләм лә мин, юкса тормыш алдаш,
Яшәү көрәш..Әлллә шул кадәр?!
Тик бер вакыт аңлый алмас аңым,
Кайда үлем матурлыгы бар?
Шатлыкларын кайгы алыштырып,
Ана үз баласын күмгәндә..
-Улың өчен миллион тәңкә акча,
Яңгырый күк бары көлгәндәй..
Алдан көтеп, дөнья әфәтләрен,
Җаның туңган чакта язларда,
Аңламамын ахыры мин бу чорны,
Кайдан матурлыгын язарга?
Рамзис Мишәр.

Атым сары түгел, алаша..
Төсләре дә хәзер, илдә биктә,
Сары белән зәңгәр кимәгез,
Кара инде күккә,зәңгәр лә ич,
Ә кояшы шунда,сары балкый,
-Иноагент !- фәлән димәгез.
Ә көләсе килә, шундый килә..
Козгыннары тагын канырлар
Кайсы аңламый да:-Тиле!- дияр,
Сары чәчкәне дә хәзер илдә,
Иноагент итеп танырлар..
Гадәтичә май башлары бәйрәм,
Дан Майга дан!Даны хезмәткә!
Тынлык хәзер бик модада түгел,
Тынычлыгы цензурада торсын,
Үткәргәнче, йөз кат иләктән..
Яхудләре, гарәпләрен тукмый,
Хохол белән урыс талаша,
Дан сезгә дан!Сугыш аллалары!
Атамагыз: -Иноагент!— диеп,
Атым сары түгел, алаша..
Рамзис Мишәр

Белмим инде әллә олыгайдык
Еллар шундый бик тиз коелды,
Күңел ялкыннары җилдә сүнде,
Җиле түгел сыман, җиле түгел,
Заманасы суык тоелды ..
Безнең чорлар өчен түгел иде,
Елмаюлар сүнде кешедән..
Коры хәсрәт, коры шатлыгы да,
Керпе сыман инәләре торган,
Тоталмасың кайсы төшеннән.
Юк кешесе, күңелең ачар өчен,
Утырып бер гайбәт сатарлык.
Үз бушлыгын кочып кеше яши,
-Дустым!- диеп, кабул итеп булмый,
-Дошман- диеп, түгел атарлык.
Замананың күрәм, җаны суык,
Сүзен әйтсә, нидер ялганлый.
Күңеле түгел, язлары да туңган,
Кышларына инде юлы ябык,
Язы, җәйләренә ялганмый..
Рамзис Мишәр.