Буряад үреэлнүүд-Бурятские благопожелания

Хуримай, хадаг абаашадай үреэл. "Аглаг тайгадаа ангууша, Арюун таладаа адууша, Эбэр номоной, эршэтэ hомоной Эзэн манай хүбүүн (Нэрэ). Алда үргэн халюугаар, Арбан захатые бүтээхэ, Хурга зузаан торгоор, Хорин захатые бүтээхэ, Ульгам зүүнэй, утаhан hабагшын, Алтан хайшын, мүнгэн хурабшын Эзэн – танай басаган (Нэрэ). Эдэ хоёрой эб эеэ оложо, Наhанайнгаа залууда, наранайнгаа эртэдэ, Айл боложо түбхинэхэ гэжэ шиидэhэндэ, Саг жэлэй сарюунда, Yдэр хоногой үлзытэйдэ, Хэтэ хутагаяа андалдажа, Ураг худанар боложо, Утаhан бүhөө андалдахаяа ерэбэбди. Залажа тахиһан шүтөөндэтнай, Зальбаржа мүргэдэг бурхандатнай Хадаг табижа, басагыетнай эрихыемнай зүбшөөгыт". #Бурятские_благопожела

Нарандал адли гэрэлтэжэ яба, Набшаһандал адли дэлгэржэ яба. Найр сэнгэлигээр дүүрэн яба, Наһан соогоо жаргажа яба. #Бурятские_благопожелания. #Бурятские_благопожелания@buryad_ur_d

Үргэн һайхан нютагтаа Үнэр баян жаргажа һуугты. Буянта һайхан эхэ, эсэгын Нэрэ нэрлүүлжэ, Буряад зоной ажабайдалые Саашань үргэлжэлүүлжэ, Газар хотоймо олон малтай боложо, ЦК-да хүдэлхэ хүбүүдтэй боложо, Сэбэр һайхан басагадтай боложо, Олон зунай дунда Омог ехэтэй, Аба, эжын үреэлээр Амар амгалан, жаргажа? Һуухатнай болтогой! #Бурятские_благопожелания. #Бурятские_благопожелания@buryad_ur_d

Yшөө олон жэлнүүдтэ Yндэр һайхан заяатай, Элүүр энхэ, амгалан Энэ дэлхэй гэшхыта! #Бурятские_благопожелания. #Бурятские_благопожелания@buryad_ur_d