𝐌𝐀𝐃𝐈𝐍𝐀.𝐔𝐙

Нажотнинг икки йўли бор. Киши Қуръон ва суннат илмларида ё ўзи моҳир ва муҳаққиқ бўлсин ёки бирор моҳирга тақлид қилсин Қуръони каримда: وَقَالُوا لَوْ كُنَّا نَسْمَعُ أَوْ نَعْقِلُ مَا كُنَّا فِي أَصْحَابِ السَّعِيرِ Маъноси: «Ва улар: Агар биз қулоқ солганимизда ёки ақлни ишлатганимизда дўзахийлар орасида бўлмас эдик», дейилади. Бу жаҳаннам аҳлининг жаҳаннамга кираётганда айтадиган сўзларидир. Бунинг ҳосили шуки, агар биз икки сифатдан бирига эга бўлганимизда, яъни ё дин олимларининг гапига қулоқ солиб, уларга эргашганимизда ёки ўзимиз ақлимиз билан дин ҳукмларини тушунганимизда эди бундай аянчли ҳолатга тушмас эдик. Бундан маълум бўладики, нажот топиш мазкур икки йўлга чекланган экан.

#кун_эслатмаси Дуонинг арабча матни: أَعُوذُ بِاللَّهِ وَقُدْرَتِهِ مِنْ شَرِّ مَا أَجِدُ وَأُحَاذِرُ Дуонинг маъноси: «Аллоҳдан У Зотнинг қудрати билан мени безовта қилаётган ва безовта қилиши мумкин бўлган (дардларнинг) ёмонлигидан паноҳ сўрайман». Усмон ибн Абу Ос Сақафий розияллоҳу анҳудан ривоят қилинади: «Мусулмон бўлганидан бери танасида бир оғрик бор эди. Бу ҳақда Расулуллоҳ соллаллоҳу алайҳи васалламга айтди. Расулуллоҳ соллаллоҳу алайҳи васаллам унга шундай дедилар: «Қўлингни танангдаги оғриётган жойга қўйиб, уч марта «Бисмиллаҳ» деб, кейин етти марта «Аъуузу биллааҳи ва қудротиҳи мин шарри маа ажиду ва уҳаазиру» дегин». («Саҳиҳи Муслим», 2202) Quran.uz