💐☘️💐
ПОНЕДЕЛЬНИК, 13 МАЯ 2024 ГОДА. (30 АПРЕЛЯ 2024 ГОДА ПО СТАРОМУ СТИЛЮ). СЕДМИЦА 2-Я ПО ПАСХЕ, ГЛАС ПЕРВЫЙ. ПОСТА НЕТ. (ТРОПАРИ, КОНДАКИ, ВЕЛИЧАНИЯ, МЫСЛИ СВЯТИТЕЛЯ ФЕОФАНА ЗАТВОРНИКА ЧИТАЕМЫЕ В ПОНЕДЕЛЬНИК).
Ап. Иакова Зеведеева, брата Иоанна Богослова (44). Обретение мощей свт. Никиты, еп. Новгородского (1558). + Свт. Игнатия Брянчанинова, еп. Кавказского и Черноморского (1867). Свт. Доната, еп. Еврии (ок. 387). Обретение мощей сщмч. Василия, еп. Амасийского (IV). Прп. Климента песнописца. Мч. Максима. Новомч. Аргиры (1752). Иконы Божией Матери "Страстной". Перенес. мощей прп. Саввы, игумена Звенигородского. Свт. Ерконвальда, еп. Лондонского (ок. 693) (Кельт. и Брит.).
ТРОПАРИ, КОНДАКИ, ВЕЛИЧАНИЯ ЧИТАЕМЫЕ В ПОНЕДЕЛЬНИК.
ТРОПАРЬ НЕБЕСНЫМ ЧИНАМ БЕСПЛОТНЫМ, ГЛАС 4
Небе́сных во́инств Архистрати́зи, / мо́лим вас при́сно мы, недосто́йнии, / да ва́шими моли́твами оградите́ нас / кро́вом крил невеще́ственныя ва́шея сла́вы, / сохраня́юще нас, припа́дающих приле́жно и вопию́щих: / от бед изба́вите нас, / я́ко чинонача́льницы вы́шних Сил.
КОНДАК НЕБЕСНЫМ ЧИНАМ БЕСПЛОТНЫМ, ГЛАС 2
Архистрати́зи Бо́жии, / служи́телие Боже́ственныя сла́вы, / А́нгелов нача́льницы и челове́ков наста́вницы, / поле́зное нам проси́те и ве́лию ми́лость, / я́ко Безпло́тных Архистрати́зи.
В НЕДЕЛЮ 2-Ю ПО ПАСХЕ, АНТИПАСХИ
ТРОПАРЬ, ГЛАС 7
Запеча́тану гро́бу,/ живо́т от гро́ба возсия́л еси́, Христе́ Бо́же,/ и две́рем заключе́нным,/ ученико́м предста́л еси́,/ всех воскресе́ние;/ дух пра́вый те́ми обновля́я нам,\ по вели́цей Твое́й ми́лости.
КОНДАК, ГЛАС 8
Любопы́тною десни́цею/ жизнопода́тельная Твоя́ ре́бра Фома́ испыта́, Христе́ Бо́же;/ созаключе́нным бо две́рем я́ко вшел еси́,/ с про́чими апо́столы вопия́ше Тебе́:\ Госпо́дь еси́ и Бог мой.
АПОСТОЛУ ИАКОВУ ЗЕВЕДЕЕВУ, БРАТУ ИОАННА БОГОСЛОВА
ТРОПАРЬ, ГЛАС 3
Апо́столе святы́й Иа́кове,/ моли́ Ми́лостиваго Бо́га,/ да прегреше́ний оставле́ние/ пода́ст душа́м на́шим.
ИН ТРОПАРЬ, ГЛАС 3
Апо́стол Христо́в был еси́ избра́нный,/ и Богосло́ву возлю́бленному брат единоро́дный,/ всехва́льне Иа́кове,/ пою́щим тя грехо́в оставле́ние испроси́,// и душа́м на́шим ве́лию ми́лость.
КОНДАК, ГЛАС 2
Глас Боже́ственный слы́шав, призыва́ющ тя,/ любо́вь отца́ презре́л еси́/ и прите́кл еси́ ко Xристу́, Иа́кове, с сро́дником твои́м, сла́вне,/ с ни́мже сподо́бился еси́ ви́дети// Госпо́дне Боже́ственное преображе́ние.
ВЕЛИЧАНИЕ
Велича́ем тя,/ апо́столе Христо́в Иа́кове,/ и чтим боле́зни и труды́ твоя́,/ и́миже труди́лся еси́/ во благове́стии Христо́ве.
СВЯТИТЕЛЮ НИКИТЕ, ЗАТВОРНИКУ ПЕЧЕРСКОМУ, ЕПИСКОПУ НОВГОРОДСКОМУ
ТРОПАРЬ, ГЛАС 4
Наслади́вся, Богому́дре, воздержа́ния/ и жела́ние пло́ти твоея́ обузда́в,/ на престо́ле святи́тельства сел еси́/ и, я́ко звезда́ многосве́тлая,/ просвеща́я ве́рных сердца́/ заря́ми чуде́с твои́х,/ о́тче наш святи́телю Ники́то,/ и ны́не моли́ Христа́ Бо́га,/ да спасе́т ду́ши на́ша.
КОНДАК, ГЛАС 6
Архиере́йства са́ном почти́вся/ и чи́сте Чисте́йшему предстоя́,/ приле́жно моле́ние за лю́ди твоя́ приноси́л еси́,/ я́ко и дождь моли́твою свел еси́,/ овогда́ же и гра́да запале́ния угаси́л еси́./ И ны́не, святи́телю Ники́то,/ моли́ Христа́ Бо́га/ спасти́ лю́ди твоя́ моля́щияся,/ да вси вопие́м ти:/ ра́дуйся, святи́телю, о́тче преди́вный.
ВЕЛИЧАНИЕ
Велича́ем тя,/ святи́телю о́тче Ники́то,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
СВЯТИТЕЛЮ ИГНАТИЮ (БРЯНЧАНИНОВУ), ЕПИСКОПУ КАВКАЗСКОМУ И ЧЕРНОМОРСКОМУ
ТРОПАРЬ, ГЛАС 8
Правосла́вия побо́рниче,/ покая́ния и моли́твы де́лателю и учи́телю изря́дный,/ архиере́ев богодухнове́нное украше́ние,/ мона́шествующих сла́во и похвало́:/ писа́нии твои́ми вся ны уцелому́дрил еси́./ Цевни́це духо́вная, Игна́тие богому́дре,/ моли́ Сло́ва Христа́ Бо́га, Его́же носи́л еси́ в се́рдце твое́м,// дарова́ти нам пре́жде конца́ покая́ние.
ИН ТРОПАРЬ, ГЛАС 8
Избранник возлюблен Христови явился еси, / Тому скорбьми многими и молитвою непрестанною прилепився, / благодать Духа Святаго стяжав, / учитель изряден людем был еси. / Поминай нас, святителю Игнатие, богоносе Российский, / да учении и молитвами твоими покаяние спасительное обрящем / и любовию сердечною Христу усвоимся.
КОНДАК, ГЛАС 8
Áще и соверша́л еси́ стезю́ жития́ земна́го, святи́телю Игна́тие,/ оба́че непреста́нно зрел еси́ зако́ны бытия́ ве́чнаго,/ сему́ поуча́я ученики́ словесы́ мно́гими,// и́мже после́довати и нам, свя́тче, помоли́ся.
ВЕЛИЧАНИЕ
Велича́ем тя,/ святи́телю о́тче Игна́тие,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
СВЯТИТЕЛЮ ДОНАТУ, ЕПИСКОПУ ЕВРЕЙСКОМУ
ТРОПАРЬ, ГЛАС 8
Благи́й яре́м Христо́в и бре́мя легко́ Ева́нгельскаго уче́ния взем,/ иера́рше Дона́те Богоблаже́нне,/ вельми́ подвиза́лся еси́ во вре́менней жи́зни,/ архиере́й у́бо Богоуго́ден быв,/ до́бре пасы́й лю́ди Бо́жия,/ просвети́в ты́я уче́нием,/ чудотворе́нием вселе́нную удиви́л еси́./ Сего́ ра́ди мо́лим тя:/ да изба́вит нас Христо́с Бог от вся́ких бед/ и Небе́снаго блаже́нства сподо́бит.
ИН ТРОПАРЬ, ГЛАС 4
Блаже́н де́латель и украси́тель Це́ркве Христо́вы,/ о́тче Дона́те, был еси́,/ непреста́нно попече́ние о ста́де твое́м стяжа́в,/ науча́я и руководя́ о́но в любви́ Сы́на Бо́жия,/ не то́кмо бо в твое́м гра́де мно́гий наро́д,/ но в Константино́поле самоде́ржца и в нем вся лю́ди/ удиви́л еси́/ правосла́вными чудесы́ твои́ми./ Богоуго́дныя у́бо мольбы́/ сотворя́я ко Христу́ Бо́гу,/ помо́щник скор всем яви́ся,/ предстоя́ Всесвяте́й Тро́ице,/ в Вы́шних моли́ Ю о всех нас,/ да спасе́т ду́ши на́ша.
КОНДАК, ГЛАС 8
Красото́ Це́ркве, утверди́вшияся на ка́мени — Боговоплоще́нном Спа́се Христе́,/ Богоправи́мое доброде́телей пра́вило,/ Дона́те, досточу́дный чудотво́рче,/ я́ко иера́рх име́еши дерзнове́ние всетворя́щему Бо́гу о лю́дех моли́тися,/ враго́в ви́димых и неви́димых предста́тельством твои́м свободи́ вопию́щия:/ сла́ва в Тро́ице Еди́ному Бо́гу.
ВЕЛИЧАНИЕ
Велича́ем тя,/ святи́телю о́тче Дона́те,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
СВЯЩЕННОМУЧЕНИКУ ВАСИЛИЮ, ЕПИСКОПУ АМАСИЙСКОМУ
ТРОПАРЬ, ГЛАС 4
И нpа́вом пpича́стник,/ и пpесто́лом наме́стник апо́столом быв,/ дея́ние обpе́л еси́, Богодухнове́нне,/ в виде́ния восхо́д,/ сего́ pа́ди сло́во и́стины испpавля́я,/ и ве́pы pа́ди постpада́л еси́ да́же до кpо́ве,/ священному́чениче Васи́лие,/ моли́ Хpиста́ Бо́га// спасти́ся душа́м на́шим.
КОНДАК, ГЛАС 4
Царе́во повеле́ние преоби́дев, / Ца́рство Небе́сное получи́л еси́, Васи́лие, / в не́мже лику́я, / помина́й нас, чту́щих па́мять твою́, // священному́чениче.
ВЕЛИЧАНИЕ
Велича́ем тя,/ священному́чениче Васи́лие,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
МЫСЛИ СВЯТИТЕЛЯ ФЕОФАНА ЗАТВОРНИКА ЧИТАЕМЫЕ В ПОНЕДЕЛЬНИК.
(Дея.3,19–26; Ин.2,1–11). “Покайтесь и обратитесь, чтобы загладились грехи ваши, да придут времена отрады от лица Господа”. Так говорил св. апостол Петр распявшим Господа иудеям, утешая их, что сделали это по неведению. Мы же не по неведению распинаем в себе вторично Господа грехами своими; но многомилостивый и нас принимает, когда каемся и обращаемся к Нему от всего сердца своего. Это и сделали мы в великий пост. Всякий прибегал ко Господу в слезах покаяния о грехах своих, и чем искренне это делал, тем сильнее ощущал прохладу помилования, исходящего от лица Господа, чрез руки и разрешительное слово иерея Божия. Теперь что нам остается делать? Беречься от новых падений, чтобы опять не впасть в вину распинания Господа. Апостол говорит, что Господа Иисуса небо прияло только до лет устроения всех. Потом Он опять приидет и сотворит суд. Какими глазами воззрят на Него те, которые пронзили Ему ребра! А ведь и нам придется стоять в ряду их, если перестанем приносить плоды покаяния и возвратимся на старое.
Присоединяйтесь к ОК, чтобы подписаться на группу и комментировать публикации.
Нет комментариев