радио юлдаш

Ялгызлык (хикәя) Зәки бабай инде икенче Яңа елын берүзе генә каршылый. Корткасы исән чагында өй түренә, балалар кайтып төшсә дип, һәр елны ылыс исләре чыгарып утырган яшел чыршы кора иделәр. Менә хәзер икенче чыршысын ул ялгызы, гадәт буенча гына, шулай кирәк булганга дип кенә бизәде. “12не сукканны көтеп булырмы, телевизор карармын да йоклармын, мөгаен. Туасы ел мин йоклаганнан гына тумыйча калмас...”, – төрле төстәге гирляндаларны элгәндә күңел төшенкелегенә бирелеп шулай сөйләнде ул. Тәм тапмаганлыктан, барыбер ашамыйм дип, Фатыймасы белән ел да әзерләгән Яңа ел пилмәннәрен дә бөгәсе килмәде. Төнгелеккә маллар ябылган, буаз сыер җылы бура эченә кертелгән, өй җылы, тик ялгызлык кына җанны

Миләүшә Әхмәтҗанова-Усманова Бүрәнә җылысы (Хикәя) Нәзирә әби мондагы карауатын гына үз мөлкәте итеп күрә. Чөнки утырса да, кайчан тели – ятса да ул үзенеке генә. Карауаты янындагы тумбочкасы да бар да соң, ул да аныкы санала болай. Тик биредә эшләүче хезмәткәрләр кайчан кирәк, шунда ачып карый ала анысын. Имеш, анда ашамлыклар булып, бозылып-күгәреп ятмыймы, тәртипме, шуларны тикшерәләр. Анысы, кирәк булса, карауатындагы постельләрен дә карап кына торалар инде. Шулай булгач, монда аның үз мөлкәте, үз әйбере юк, дисәң дә була. Үзе белән алып килгән бәләкәерәк сумкасы бар барын да, кирәге чыкса, аны да тикшерергә мөмкиннәр. Юк, ачуланмый ул мондый карап йөрүләргә, җиде ата баласы җыелган җирд

Иске ел саубуллаша. Наилә Әюпова Төенчекләрен төйнәгән Иске ел саубуллаша, Атларын җиккән яңа ел Күңелдә шатлык таша. Бүләкләре мул күренә Чаналары шыгырдый, Җил куып бара артыннан Яңа ел җыры җырлый. Әкият дөньясы салган Балаларга мулдан мул, Чанада ниләр генә юк Күтәрерлек түгел кул. Балаларга- олы шатлык, Олыларга- зур өмет, Кереп бүләк бирер, диеп, Мин дә утырам көтеп. Кыш бабай картая белми. Наилә Әюпова Кыш бабай картая белми, Кар кызы да һәр чак яшь, Нишләп икән, нидә хикмәт Шуңа җитеп бетми баш ? Бала чагымнан ук беләм Кыш бабайны, кар кызын, Җәйләрен кайда яшиләр, Кайдан алалар бозын ? Сафлыктан алар картаймый, Чиренә бирешмиләр, Урман, тауларны үтеп тә Сынауга кил