Уладзімір Някляеў сёння адзначае 75-годдзе! Віншуем Уладзіміра Пракопавіча і з прыемнасцю згадваем сумеснае падарожжа ў Крэва, на радзіму паэта.
Ён паказаў самыя дарагія мясціны дзяцінства, легендарныя гістарычныя аб'екты і расказаў пра рэчы глыбока асабістыя, якія вызначылі яго як асобу і зрабілі паэтам:
Мітынгі, валанцёрства, нелегальны выезд за мяжу, забаронены самвыдат — усё, што нам і цяпер добра знаёма, было часткай жыцця Алаізы Пашкевіч (яна ж Цётка).
Сённяшнія салюты можна разглядаць як святкаванне ейных Народзінаў, калі што.
Новы выпуск "Знакамітых беларусаў"!
Стваральнік БНР, прэм'ер-міністр – і ініцыятар перавароту ў Радзе. Ад хлопчыка на паслугах у віннай краме праз працу ў "Нашай Ніве" дайшоў да ўласнага часопіса "Крывіч".
Калі грошы скончыліся, ён паехаў з Літвы ў БССР, і гэта каштавала жыцця: яго "прызначылі" кіраўніком міфічнага "Саюза вызвалення Беларусі".
Непаслядоўны, энергічны, навуковец і вялікі фантазёр адначасова – Вацлаў Ластоўскі.
Як сустрэлі першы дзень вайны знакамітыя беларусы?
У доме Коласа паніка. У адной з рэдакцый яго папярэдзілі, што назаўтра могуць бамбіць. “Яшчэ заставаўся парсючок у хлеўчыку – дык бацька адкрыў дзверы і яго выпусціў, каб ён бег ужо. Што будзе, то будзе…”, згадваў Міхась Міцкевіч. Самі хаваюцца ў пограбе за домам у парку Горкага. Назаўтра згараць дзясяткі рукапісаў і фотаздымкаў. Сям’я паспее выехаць з Мінска на адным з апошніх цягнікоў.
Алена Аладава ратуе экспанаты: яна сабрала для Дзяржаўнай галерэі 2711 работ. Палотны вымаюць з рам і складаюць у скрыні – музею абяцалі транспарт для эвакуацыі. Але транспарт не прыйшоў. Даводзіцца ўсё кідаць і ратавацца. Слуцкія паясы схавалі ў дровы.
Х
Што і як пілі ў Вялікім Княстве Літоўскім?
Піва і мёд – самыя старажытныя алкагольня напоі на тэрыторыі ВКЛ. Піва было нямоцнае, 2-3 %, але спажывалася ў вялікіх колькасцях – якасць пітной вады не выклікала даверу... Пітны мёд у параўнанні з півам мацнейшы, ад 12 да 50 %; асабліва цаніўся напой з Коўна.
Піва варылі светлае з пшанічанага соладу. Таксама было папулярным ядлаўцовае (на ягадах). Сапсаванае піва ратавалі, дадаючы вялікую колькасць солі.
Вытворчасць піва мела агульнадзяржаўны маштаб. Яго варылі ў фальварках, на броварах, проста ў гаспадарках. Але сяляне маглі "гнаць для сябе" ў строга абмежаванай колькасці. І ўсё адно, насуперак уладам, сыцілі мёд, варылі піва і рабілі сі
15 чэрвеня 1812 года Полацкі езуіцкі калегіум стаў Акадэміяй. І гэта не шараговая дата.
Па-першае, калегіум — адна з найстарэйшых навучальных устаноў Беларусі. З улікам "акадэмічнага перыяду", яна адпрацавала 240 гадоў. А калі ахапіць усю гісторыю, да Полацкага ўніверсітэта, атрымаем 441 год!
Па-другое, стаўшы Акадэміяй, калегіум ператварыўся ў першую ВНУ на тэрыторыі сучаснай Беларусі. І адзіную. Праўда, на 8 гадоў толькі: у 1820-м езуіцкі ордэн забаранілі ў Расійскай імперыі, часткай якой мы з'яўляліся. Без езуітаў не стала і акадэміі, адпаведна.
Парады Ганны Цюндзявіцкай з кнігі «Літоўская гаспадыня»:
СПОСАБ ПАПРАЎКІ САПСАВАНАГА ВАРЭННЯ
Як варэнне зацукравалася, трэба паставіць слоік у каструлю, дзе столькі вады, колькі ў слоіку варэння, і грэць на агні да гэткай ступені, каб вада амаль што кіпела. Тады зняць каструлю з агню, а як вада зусім астыне, дастаць слоік. Варэнне ўжо не будзе зацукраваным.
Са слоікаў, якія ставяць у каструлю, абавязкова здымаюць пузыры і паперу.
ЯК УЗНАВІЦЬ ЛІСТЫ, ВЫЦВІЛЫЯ АД ЧАСУ
Абіраюць белую цыбулю, рэжуць на кавалкі, запаўняюць ёю тры чвэрці ёмістасці ў паўтары кварты, заліваюць мяккай вадой, дадаюць тры патоўчаныя чарнільныя арэшкі і кіпяцяць паўтары гадзіны. Пасля дабаўляюць галыну з лясны
Напишите, что Вы ищете, и мы постараемся это найти!
Левая колонка
О группе
Haroshak.by -- гісторыі пра нас!
Незалежная культурніцкая платформа. Толькі арыгінальны кантэнт.
Нашы праекты:
"Ногі ў рукі" — відэапраект пра людзей і гарады.
"Знакамітыя беларусы" — кароткія ролікі пра вядомых беларусаў.
“Тры пытанні” – распытваем людзей, якімі яны бачаць беларусаў, краіну і мову.