"Ямде лий" – марла йоча газет!

Россий Федерацийын Президентше В.В.Путинын Указше почеш 2024 ийым Ешын идалыкше семын увертарыме. «Ямде лий» газет редакций тыланда у конкурсым темла.
#Ямделий

3-14 ияш ӱдыр-рвезе-влак, «С супер-мамой мы уже изучаем ПДД» всероссийский сӱрет конкурсыш ушныза. Пашада-влакым 26 март марте konkurs.pdd.@fond-edukina.ru адрес дене электрон почтыш колтыза.
#Ямделий

Ила гын, 4 мартыште Волжский район Сотнур школын туныктышо-ветеранже А.А.Сапаев 70 ийым тема ыле. Но ыле манын каласаш гына кодеш… Тудо ӱмыржӧ мучко Волжский районысо Ярамарий, Руш Шайра, Нурмучаш Шайра, Сотнур школлаште пашам ыштен. Марий йылме ден литературым, ИКН предметым туныктен...
Умбакыже тыште лудса: https://ямделий.рф/poryn-sharnena/
#Ямделий

"Ямде лий" газетым луднет ?
Тугеже подпискым ышташ ит мондо
Почто гоч: кажне тылзын 15-ше числа марте газетлан возалт.
Редакций гоч: подпискым кеч-кунам ыштен кертат.
Электрон подпискым ышташ йӧн уло.
Лекше йодышым 89027382237 телефон номерыш йыҥгыртен рашемде.
#Ямделий

«Мама и дети в национальных костюмах» тӱнямбал фотоконкурс тений визымше гана эртаралтеш. Йодмашым 1 сентябрь марте колтыман. Тичмаш увер – ethno-photo.com сайтыште.
#Ямделий

Пӧртыл, вучем!
Ачам Сергей Александрович сарзе операцийыште лӱдде кредалеш. Мемнан тыныс илышна, пиалан йоча пагытна верч тургыжлана. Мыят тудын кумылжым ом волто: сайын тунемам, авамын мутшым колыштам. Ме ачанам пеш вучена. Толмекыже, чот-чот ӧндалам.
Александра БОЯКОВА.
Звенигово, Поянсола.
#Ямделий

Эше изи улам
Изи улам гынат, авам тӱрлӧ сомылым ышташ туныкта. Коктын пӧрткӧргыштӧ арулыкым эскерена, акам-шамычын школ гыч толмыштым вучена, нунылан тутло сийым ямдылена. Мыланем кудывечыште лумым эрыкташ келша. Кушкын шуамат, авамын тӱҥ эҥертышыже лиям.
Саша ВАСИЛЬЕВ.
Морко посёлко.
#Ямделий

Теле каныш годым туныктышо-влак дене пырля Москош миенам. Икымше кечын ВДНХ-ште «Россий» ончер-форумын тӱрлӧ павильоныштыжо лийынна...
Умбакыже: https://ямделий.рф/r-dolashte/
#Ямделий

Поэт-фронтовик Василий Рожкинын шочмыжлан 110 ий темме лӱмеш сылнымут пайрем Советский район Кодам школышто таче эртаралтеш. Тушко районысо школла гыч йоча-шамыч, марий йылмым да литературым туныктышо-влак погыненыт. Тунемше-влак почеламутым сылнын лудмо, муро, эссе конкурслаште таҥасат.
З.Тимофееван фотожо-влак.
#Ямделий