Пазнаём. Захоўваем
Амаль два гады прайшло з таго дня, як адкрыўся музейны пакой, прысвечаны знакамітым асобам дзярэчынскай зямлі. З тых пор яго заснавальнік Генадзь Коўш працягвае пошук і папаўняе выставу экспанатамі. Аповед і гісторыя музея выклікае цікавасць як у школьнікаў, так і старэйшага пакалення. Слухачамі сталі і наведвальнікі аддзялення забеспячэння дзённага знаходжання для людзей сталага ўзросту ЦСАН Зэльвенскага раёна.
Генадзь Вікенцьевіч падрабязна расказаў аб гістарычных звестках мястэчка, яго ўладальніках князях Палубінскіх і Сапегах, іх укладзе ў развіццё Дзярэчына. Турысты даведаліся аб каштоўнасцях, якія знаходзіліся ў палацы і экспанатах, якія ўдалося раздабыць.
Музей за два гады пашырыўся пакоямі мэблі і рэчаў 20-50 гадоў былога стагоддзя, партрэтамі вядомых асоб, знакамітых і славутых песняроў слова і музыкі У.Плюты і П.Марціноўскага, акцёра І.Мацкевіча, навукоўца П.Сцяцко.
У год 80-годдзя вызвалення Беларусі ад нямецка-фашысцкіх захопнікаў краявед узгадаў пра падзеі мінулай вайны, расказаў пра землякоў, якія ўдзельнічалі ў партызанскім руху, пра гета, ў якім было застрэлена больш за 3000 яўрэяў.
Людзі сталага ўзросту прыпыніліся каля помніка загінулым дзярэчынцам і ўшанавалі памяць аб вызваліцелях хвілінай маўчання.
Присоединяйтесь к ОК, чтобы подписаться на группу и комментировать публикации.
Нет комментариев