Ispaniya chempionatining 34-turida peshqadam «Real» (81) o‘z maydonida «Espanol»ni (39, 13-o‘rin) qabul qilib, javobsiz 4ta gol urdi va muddatidan avval turnir g‘olibligini qo‘lga kiritdi. Rodrigo dublga erishgan bo‘lsa, Asensio va Benzema ham o‘z hisobiga gol yozdirib qo‘ydi.
«Qirollik klubi» o‘z tarixida 35-bor La Liga chempioniga aylandi. Eng yaqin ta’qibchi «Barselona» sanaladi — 26.
Madridliklar ustozi Karlo Anchelotti tarixiy natijani qayd etdi. Italiyalik mutaxassis top-5 liganing barchasida g‘olib bo‘lgan ilk murabbiyga aylandi. U bungacha Italiyada «Milan», Angliyada «Chelsi», Fransiyada «PSJ», Germaniyada «Bavariya» bilan chempion bo‘lgan.
Shuningdek, tur doirasida «Vilyarreal»
Yordi Kroyff «Real»ning Chempionlar Ligasidagi kambeklarini omad deb bilmasligini aytdi.
«Jamoa ushbu uslubda turnirning bir necha bosqichlarini bosib o‘tsa, bu endi omad emas.
Bu — mahorat, ishonish qobiliyati, xarakter, mentalitet, taslim bo‘lmaslik... Albatta, ozgina omad ziyon qilmaydi. Ammo kambeklar qayta-qayta sodir bo‘lsa, bu omad emas, mahoratdir», — dedi «Barselona» prezidentining sport maslahatchisi Marca nashriga.
Angliya milliy jamoasi sobiq futbolchisi Maykl Ouen UEFA Chempionlar Ligasi yarimfinali doirasidagi «Manchester Siti» — «Real» (4:3) bahsi haqida gapirdi.
«Real» shu qadar tajribaliki, ularni nimadir bilan hayron qoldirish juda qiyin. Ular maydonga chiqishadi va jang qilishadi.
Va hozir Manchesterdagi 90 daqiqadan so‘ng katta ehtimol bilan ular Madriddagi o‘yinga favorit kayfiyatida yetib borishyapti», — dedi sobiq futbolchi «BT Sport» kanali efirida.
Eslatib o‘tamiz, Ouen futbolchilik faoliyatida 2004-2005 yillarda «Real» sharafini himoya qilgan.