Ислом олами.

Йигитга йўқчилик йўлиқса бир кун, Осмонлар йиқилиб кетмайди нечун, Тоғлар қуламасми тортган оҳидан, Йигитга йўқчилик йўлиқса бир кун. Нодўст ниқобини ечиб кетаркан, Аламлар қонини ичиб кетаркан, Онадан ўзгаси кечиб кетаркан, Йигитга йўқчилик йўлиқса бир кун. Юрса оёғини кўр ҳам босаркан, Туз, ошин еганлар тупик қусаркан, Душмани яна бир энли ўсаркан, Йигитга йўқчилик йўлиқса бир кун! Яқинлар усиз ҳам кунин кўраркан, Ҳар нокас шўрликка итдек ҳураркан, Нодўст саломини ўйлаб бераркан Йигитга йўқчилик йўлиқса бир кун! Одамлар шунчалар расво бўларкан, Юраги зардобга, қонга тўларкан, Ҳатто ўз уйига сиғмай қоларкан, Йигитга йўқчилик йўлиқса бир кун!