Ба як кӯҳи сукут роҳаш бубастам.
Ба лаб мӯҳри хамӯшии аламзо,
Булӯри бовари дилро шикастам.
Сари сахти панаҳҷӯро дигар бор,
Ба девори аламҳо такя додам.
Вафо буд дар нигоҳи ман муқаддас,
Хиёнат оқибат додаш ба бодам.
Ҷулӯи ноларо бастам,валекин
Сиришки дидагонам ғуссаборон.
Ба рӯям метаровад,метаровад,
Мисоли ашки абри навбаҳорон.
Нигоҳе карда бар борони ашкам,
Бигӯяд богазаб:Оё кӣ мурдаст?!
Намедонад,намедонад,валекин,
Ба қалбам шӯълаи умед мурдаст!
Гаронтар з-ин алам боре магар ҳаст!?
Вафову бовару эҳсос мурдаст!
Куҷо шуд маънии ин умр,афсус,
Садоқат,ишқ ҳам ихлос мурдаст!
Ҳазорон бор мурда ман намурда,
Аз ин садди аламзоят гузаштам
Кунун ман қолаби берӯҳи ҷонам,
Дигар ман он Гули пешин нагаштам...
ФАРХУНДА
Присоединяйтесь к ОК, чтобы подписаться на группу и комментировать публикации.
Нет комментариев