Предыдущая публикация
Секин-аста синайди тақдир,
Балки ноҳақ, балким у ҳақдир,
Қийнаверма, имконим йўқдир,
Чидадим лек, жилмайиб қўйдим.
Тўрт деворда ожиз қолдирма,
Дўст душманга асло кулдирма,
Равон қилгин, бало ёғдирма,
Чидадим лек, жилмайиб қўйдим.
Ҳаёт нега бунча бешавқат,
Сабр бергин қилайин тоқат,
Минг куйга сол бўлсам ноҳақ,
Чидадим лек, жилмайиб қўйдим.
Гоҳо ўйлаб қоламан аста,
Зомонми ё одамми хаста?
Дил оғритар қастима-қастда,
Чидадим лек, жилмайиб қўйдим.
Ҳеч ким жонга бермас кафолат,
Яхшликни қилайлик одат,
Битта сўзиз малҳам, Муҳаббат,
Чидадим лек, жилмайиб қўйдим.
Озор чекмасин ҳеч бир инсон,
Йиғлатмагин, қилмагин сарсон,
Дунё сенга бунчалар осон,
Чидадим лек, жилмайиб қўйдим.
✍ ДИЛНУРА
Присоединяйтесь к ОК, чтобы подписаться на группу и комментировать публикации.
Нет комментариев