Редакция газеты "Омет"

-Без ятимме? -Әйе! -Ә әти- әни бармы? -Ә әти- әни бар, әйе! -Ния алайса без тапочкада ятабыз? -Әти-әни ятим булганга! Расиль Камалов.

Юлда үлүнең өч төп сәбәбе Башкортстан ЮХХДИ җитәкчесе Динар Гыйльмутдинов юл транспорт вакыйгасында һәлак булу һәм сәламәтлек өчен зыян килүнең өч төп сәбәбен билегләде. Беренчесе- зур тизлектә бару, икенчесе- каршы хәрәкәт полосасына чыгу һәм өченчесе- руль артына исерек килеш утыру. Башкортстанда 10 ай эчендә 3761 юл транспорт вакыйгасы теркәлгән, аларда 432 кеше вафат булган һәм 4835 кеше төрле дәрәҗәдәге җәрахатьләр алган. Юл- тарнспорт һәлаккәтләренең 359сы руль артына исерек килеш утырган водительләр гаебе белән. Анда 61 кеше һәлак булган һәм 493 кеше төрле дәрәҗәдәге җәрәхәтләр алган. 10 ай эчендә юлларда балигь булмаган 12 бала вафат булган, 411-е җәрәхәтләр алган. www.omet-rb.ru

Уфада яңа автобуслар Озакламый Уфа шәһәрендә яңа газ двигателе куелган зур автобуслар йөри башлаячак. Автобусларның салоны уңайлы, аларның барысы да мөмкинлекләре чикләнгәннәр өчен уңайлыклар белән тәэмин ителгән. Белгечләр әйтүенчә, мондый бер автобус биш бәләкәй автобусны алмаштыра ала. Уфа Русиянең конгерсслар үтә торган башкаласы исеменә дәгъва иткәнгә күрә, аның урамнарында матур, бер үк төрле бизәлгән, күп кеше сыя торган автобуслар йөрергә тиеш.

Кайда күбрәк эчәләр Үткән атнада төбәкләрнең аеклык рейтингының нәтиҗәләре әйтелде. Аның буенча спиртлы эчемлекләрне иң күбе Магадан өлкәсендә, аннан соң Чукотка автономияле округы һәм Коми республикасында эчәләр икән. Ә менә Чечня , Ингушетия һәм Дагестан республикаларында хәмерне бөтенләй кулланмыйлар диярлек. Башкортстан әлеге исемлектә 21 нче урында тора. Безнең күршеләр Татарстан- 18 урында. Рейтингны төзегәндә белгечләр алкоголь продукциясен сатуны гына түгел, шулай ук алкоголь эчеп үлү очраклары, чирлеләр санын, алкоголь эчү аркасында кылган җинаять саннарын да исәпләнгәннәр.

Министр ришвәт алуда тотылган РФ икътисади үсеше минситры Алексей Улюкаев 2 млн. доллар күләмендә ришвәт алганда тотылган. Тикшерү комитеты мәгълүматлары буенча, министр әлеге акчаларны үзе җитәкләгән министрлык “Башнефть” компаниясенең дәүләт акцияләр пакетын сатып алган вакытта “Роснефть”ка уңай бәя биргәне өчен алган. Әлеге вакытта тикшерү эшләре алып барыла. Алексей Улюкаев кулга алынган.

Яңа төр алдау. Сак булыгыз! Мошенниклар халыкны алдап акча алу ысулының яңа төрен уйлап тапканнар. Мәләвез шәһәрендә яшәүче 78 яшьлек әбигә, Татарстан табибымын дип, бер ир кеше шалтырата. Ул әбигә аның чире турында сөйли, янәсе Мәләвез дәваханәсе Казан клиникасына аның анализалырн җибәргән булган. Һәм аның нәтиҗәләре аяныч булуы турында хәбәр итә. Ярый әби аңа ышанмаган. Теге ир 142 мең сум күләмендә акча күчерүне сорагач, трубканы ташлаган һәм поилициягә хәбәр иткән. http://www.omet-rb.ru

Киләсе елда безне нинди яллар көтә? Башкортстанда киләсе елда бәйрәм көннәре билгеләнде. Республиканың Хезмәт һәм халыкны социаль яклау министрлыгыннан хәбәр итүләренчә, 1, 2, 3, 4, 5, 6 һәм 8 гыйнвар — Яңа ел каникуллары, 7 гыйнвар — Раштуа, 23 февраль — Ватанны саклаучылар көне, 8 март — Халыкара хатын-кызлар көне, 1 май — Яз һәм хезмәт бәйрәме, 9 май — Җиңү көне, 12 июнь — Русия көне, 25 июнь — Ураза бәйрәме, 1 сентябрь — Корбан бәйрәме, 11 октябрь — Республика көне, 4 ноябрь — Халыклар бердәмлеге көне Башкортстанда ял көннәре булып тора.