Предыдущая публикация
«На субботник – становись!
» нят валхне эряйхть тячиень шить самс. Ёткшинь шобдаваня сявоськ семботь, мезе эряви и туме Подольскяй курсантнень скверс.
Ульсь пинге, мзярда тя вастса кассть аньцек сире шуфтт. И вов, 2022 кизоня, скверсь полафтозе шаманц. «Жильё и городская среда» нацпроектонь «Формирование комфортной городской среды» проектть вельде сон одкстоптовсь, мазолгофтовсь. Тяни тя фкясь инь кельговикс ваймосема вастсь Саранск ошса.
Субботникс састь целай семьяса, кода ёмлат, станя жа сирет, а кой-конатне прокс кудонь жувата мархта. Урядайхнень ёткса ульсь од ломатть акша жилеткаса – тя волонтёрхт. Синь лездыхть Мордовиянь эряйхненди максомс вайгяльснон сят васттнень инкса, конат 2025 кизоня улихть петьфт-мазоптфт. Лятфтасаськ, пялькстомаса Саранск ошста примайхть участия колма территорият: Московскяй ульцять эзга Фонтаннай спусксь, Советскяй площадть маласта территориясь и Мордовскяй ульцяса скверсь.
Видеста азомс, «Вайгель» радиопрограммань вятихне кунара ни максозь эсь вайгяльснон. Тяни тевсь мельгант. Кочкамс вастть ули кода 30 апрельс молемок. Ушесь урядаманди ульсь пяк цебярь. Покодема фкя оцю командакс, и семботь тиеськ вишкста. Тяни Подольскяй курсантнень скверсь учи Саранск ошень эряйхнень и инжихнень эса.
Следующая публикация
Нет комментариев