улуустааҕы КЧС мунньаҕар сааскы халаан уута балаһыанньата дьүүллэһилиннэ.
Быйыл муус нуорматтан 4 күн эрдэлээн уһунна. Бүлүү өрүскэ Сата уонна Дабдай арыыларын икки ардыгар муус харыыта үөскээн, бу сарсыарда 4 чаастан 8 чааска диэри Ньурба аннынан уу таһыма 264 см эбилиннэ.
Уу таһыма 1122 см тиийдэ, уу билигин даҕаны кэлэ турар. Техучаастак тиэргэнигэр уу киирдэ, Нюрбинка үрэҕинэн уу муостаны ылла. КЧС уурааҕынан Убайаан муостатынан сырыы сабылынна, Нюрбинка үрэҕи Октябрьскай уулуссанан баар муостанан эрэ туораныллар.
❗️Речников уул. аллара турар дьиэлэргэ ким даҕаны олорбот, бары ааспыт сылга «Саахалланар туруктаах дьиэлэртэн көһөрүү» бырагырааманан саҥа таас дьиэлэргэ көспүттэрэ. Речников уул. 12 №-дээх дьиэтиттэн дьон көһөрүлүннэ. Дьон мала-сала көмүскэллээх буоларыгар полиция үлэһиттэринэн дьуһуурустуба олохтонуоҕа.
Дьону быстах кэмҥэ олордор пуун Убайаан орто оскуолатын спортзалыгар тэрилиннэ, ас, уу саппааһа баар. КЧС сүбэ мунньаҕар Нюрбинка үрэх муосталарыгар бөҕөргөтүү оҥорон гравий куттарарга, Нюрбинка үрэҕин үрдүгэр олорор ыаллары барыларын хонтуруолга тутан олорорго быһаарылынна. Халаан уутун балаһыанньатын КЧС кэтээн уонна хонтуруолга тутан олорор, туһааннаах миэрэлэр ылыллаллар.
✍🏻 Улуус дьаһалтатын пресс-сулууспата.
Присоединяйтесь к ОК, чтобы подписаться на группу и комментировать публикации.
Нет комментариев