Ньурба улууһугар үрдэтиллибит бэлэмнээх буолуу режимэ биллэриллэн турар. Мунньаҕы Ньурба улууһун баһылыгын бастакы солбуйааччыта, КЧС бэрэссэдээтэлэ Василий Семенов салайан ыытта.
💬СЖО салайааччыта Афанасий Кириллин:
Уу таһыма 1175 см, түһэн эрэр. Дьаархан аннынан 1 м түстэ. Устье диэки барыллаан муус харыыта бэлиэтэнэр. Үөһээ-Бүлүү улууһун Хоро сэл. Гидропоһун иһитиннэриитинэн уу таһыма 447 см + 82 см. Критическэйэ 935 см. Үөһээ-Бүлүү аннынан Бүлүү эбэ билиҥҥи туругунан барбакка турар, кыратык хамсыыр.
💬Ньурба улууһун баһылыгын солбуйааччыта Павел Необутов:
Кылабыыһа аннынан муостаны бөҕөргөтүү үлэтэ бара турар. Нюрбинка үрэҕин муостатын тротуара алдьаммыт, уу түстэҕинэ анал хамыыһыйа үлэлиэҕэ. Молодежка мкр. балаһыанньатын хонтуруолга тутан олоробут, уу түстэҕинэ этэҥҥэ аһарыаҕа.
💬Октябрьскай нэһилиэк баһылыгын солбуйааччыта Александра Иванова:
Нефтебазаҕа кутталлаах быһыы-майгы үөскүү сырытта,. Билигин уу таһыма 30 см түстэ. Үрэхтэр кураанахтар.
💬Ньурбатааҕы быыһыыр сулууспа салайааччыта Афанасий Ноев:
Быыһыыр сулууспа этэрээтэ билигин Саалтааны, Сата, Дабдай арыыларыгар үлэлии сылдьар, квадрокоптер көтүтэн көрөбүт. Саалтааны диэки харан турар курдук. Салгыы хаайтарыы буоллаҕына түһэн эрэр уубут төттөрү үтэн тахсар куттала баар.
❗️Дьаархан нэһилиэгэр үрдэтиллибит бэлэмнээх буолуу режимэ биллэриллэн турар. Сүөһүлэри биир сиргэ хаайан тураллар, нэһилиэнньэ бэлэм олорор.
КЧС хамыыһыйатын мунньаҕа киэһэ 17:00 ч турда.
✍🏻 “Ньурба” хаһыат.
Присоединяйтесь к ОК, чтобы подписаться на группу и комментировать публикации.
Нет комментариев