Татар ядкарьләре

Бүгеннән башлап, халкыбызның тел байлыгы күрсәткечләренең берсе булган хисләрне белдерүче сүзләр, аларның төсмерләре хакында сүз алып барасы иттек. Бу хактагы сүзебез һәр пәнҗешәмбе булыр. Татар халкы да теле барлыкка килгәннән соң күңелендә туган хисләрен белдерү өчен аларның атамаларын уйлап тапкан. Ул гына да түгел, аларны белдерә, башкаларга да кичерттерә алырлык авыз иҗатын булдырган. Бүген без сезгә бер кыска җыр тексты тәкъдим итәбез. Ә сез җырлаучы аны күңелендә нинди хис белән башкарганлыгын тәгаенләп карагыз әле. Болгана да аска төшә - Су астында ком бит ул; Сөеп-сөеп кавышалмасаң Үз башыңа моң бит ул. #татархисләре_палитрасы

Хәзерге көндә ялтыравыклы пакетларда, стаканнарда, махсус савытларда сатыла торган “доширак” дип аталучы “тиз” ашлардан, “тиз” боткалардан һәр кибетнең киштәсе сыгылып тора. Без аларны бүген организм өчен иң зыянлы, хәтта куркыныч ашамлыклар рәтендә йөртәбез. СССР вакытында да мондый тиз пешереп алына торган пакетлы ярымфабрикат ашлар популяр булган. Әмма совет ашларының составындагы һәр азык ГОСТ нормаларына туры китерелеп эшләнгән, язылган һәм пропорциясе төгәл үтәлгән. Аларда хәзерге кебек тәм көчәйткеч, башларны әйләндерерлек хуш ис бирә торган химикатлар, концентратлар кушылмаса да, глутамат натрий тиешле нормада СССР заманында да кулланылган. Күпмедер күләмдә азык-төлеккә

Бүген драма актрисасы, педагог, Камал театры артисты (1961―1985), Казан дәүләт һәм мәдәният институтының актерлык осталыгы кафедрасының өлкән укытучысы (1985 елдан), Татарстан АССРның атказанган артисты (1976) Флера Харис кызы Хәмитова туган көн! (02.05.1936) #бу_көн_туган_көн Башкарган рольләре: • Айсылу ― «Миркәй белән Айсылу» (Нәкый Исәнбәт) • Мөршидә ― «Казан сөлгесе» (Кәрим Тинчурин) • Сәрби ― «Яшь йөрәкләр» (Фәтхи Бурнаш) • Хәмдия ― «Ак калфак» (Мирхәйдәр Фәйзи) • Саҗидә ― «Диләфрүзгә дүрт кияү» (Туфан Миңнуллин) һ.б.

Куяннарны бүре эләктерә. Бүреләрне аю ботарлый. Аюларны егып салыр өчен Алачыкта аучы ук чарлый. Кыяларга кунган бөркетне дә Таш астыннан елан күзәтә. Табигатьтә һәрбер җан иясе Берберсенең үлемен тизләтә. Тик барыбер тормыш дәвам итә, Үлем белән яшәү—бер яшьтә. Гел көчлеләр генә җиңеп чыкмый Яшәү өчен барган көрәштә. Гамьсез генә яшәп булмый һич тә. Дошманы бар җирдә һәр затның. Ә шулай да батырлар бер үлә, һәркөн җаны чыга куркакның. Тик шуларда яшәү дәвамы Таянырга ныклы иңнәр кирәк. Яшәп булмый ныклы иңнәрсез. Упкыннарга очар иде дөнья Ныклы иңле таза ирләрсез. Назлар өчен гүзәл гөлләр кирәк, Яшәп булмый гүзәл гөлләрсез. Ф. Яруллин

Бүген бергәләп Рабит абый Батулла шәрехләвендә тәрбия төшенчәсенең эчтәлеген ачыкларбыз. Ә сезнең өчен тәрбия нидән гыйбарәт? #Батулла_сүзлеге

Бүген танылган татар язучысы, прозаик, милләтпәрвәр публицист, «Йөртә безне язмыш­лар», «Кардәшләр кочагында», «Ягымлы моңнар» һәм башка әсәрләр авторы Тәүфикъ Әйди (чын исеме Тәүфикъ Рамазан улы Әйделдинов) туган көн! (01.05.1941.-02.04.2001) #бу_көн_туган_көн Әдип турында берничә кызыклы факт: Ул чит илләргә сәяхәтләр ясап, андагы тормыш һәм татар диаспоралары турында бай эчтәлекле, эмоциональ яктан тәэсирле юлъязма һәм сәя­хәнәмә китапларын ирекле рәвештә матбугатка чыгару мөмкинлеген ала. «Йөртә безне язмышлар» (Германиягә сәяхәт), «Кечкенә дә, төш кенә» (Эстония), «Идел тамагында» (Әстерхан), «Оҗмах утравы» (Кипр), «Ду­най буендагы кардәшләр» (Болгария, Румыния), «Исәнме, Гагаузст

Иң ямьле ай, май җитте! Үзе бәйрәм, үзе эш ае! Матур сурәтләргә төреп, кем безгә шундый шигырь калдырган икән? Майдан да ямьле ай, Җанлы ай юк бугай, Беренче Май белән Башлана шул бу ай. Яшәргән агачлар, Каеннар, усаклар, Юкәләр ярганнар Ямь-яшел яфраклар. Һәр агач, һәр үлән Чәчәккә күмелгән. Әйтерсең аларга Ислемай түгелгән, — Хуш исләр аңкыйлар. Матурлык — һәр җирдә Алмагачлар җиргә Ак чәчәкләр сибә. Аларның хуш исен Киң сулап иснисең, Бәйрәме дә майның Күңелле ич дисең.