Tojikiston 🇹🇯

9-май – Рузи Ғалаба муборак ҳамдиёрони азиз

ХОТИРА Имрӯз 9-уми май рӯзи хотира ва қадршиносӣ аст. Дар ин рӯз мо бояд дар ҷанг рафтагонро ва гузаштагонро ба ёд оварда руҳашонро шод кунем. Дар деҳа, шаҳр ва маҳаллаи худ одамони ба ҷанг рафтагонро, ё ки инсонҳои синнашон бузургро аз аҳволашон хабаргир шавем, чунки онҳо барои Ватанамон тинҷ ва кишварамон ободу озод гаштанаш ҳиссагузор шудаанд. 9-УМИ МАЙ ИДИ ҒАЛАБА Ва Хотираи гузаштагон. Бузургонро бузургон зинда медоранд, Бузургонро бузургони дигар поянда медоранд...

ДИЛАМ БИСЁР МЕХОҲАД...

Дилам бисёр мехоҳад, бубинам,
Замини кишварам обод бошад.
Дилам бисёр мехоҳад, бубинам,
Саросар миллати ман шод бошад.
Дар он бинам, ҳазорон шеъру шоир,
Ва ҳам бишкуфта гулҳои чаманро.
Дар он бинам, ҳазорон марди боор,
Баланд бинам, ман қадри суханро.
Бубинам, шоҳу мискинро баробар,
Бубинам, ман фаровонӣ саросар.
Бубинам, ман дар он сулҳу салоҳе,
Бубинам, халқи ӯ бо ҳам бародар.
Дилам бисёр мехоҳад, бубинам,
Тамоми Точиконро шоду хандон!

РӮЗЕ РАВАМ АЗ ДУНЁ...

Рӯзе равам аз дунё, дунёи маро ёбед,
Дар хок шавам пинҳон, пайдои маро ёбед.
Дар дашту даман рафтам, дар хоки Ватан рафтам,
Дарёи равон будам, маҷрои маро ёбед.
Дар вазъи замин шеъре, дар вазъи само байте,
Гуфтам ба ҳар имое, имои маро ёбед.
Беҷою баҷо гуфтам, аз меҳру вафо гуфтам,
Дар маҳфили ҳар ошиқ иншои маро ёбед.
Дар пушти ғубори кӯҳ ё тӯри паранди абр,
Борон чу кунад сим-сим, симои маро ёбед.
Дар ҳар варақи шеърам ё ҳар сабақи шеърам,
Тақвими дили гарму шайдои маро ёбед.
Фардо ба шумо обод, дунё ба шумо хуш бод,
Фардо, ки набошам ман, фардои маро ёбед!
Лоиқ Шералӣ

ИДАТОН МУБОРАК, ҲАМВАТАНОНИ ГИРОМИҚАДР

________________
.......Худованд Баракат ва Ҳидояту раҳматашро насиби шумо ва аҳли оилаатон гардонад!