Предыдущая публикация
Муҳаммад Юсуф...
ОЗОДА
Озодани севаман мен, Озодани,
Сулувларнинг сарвари — хонзодани.
Йўлатмасман ёнига шаббодани,
Озодани севаман мен, Озодани.
Кўрганману кўрганим эртасидан,
Юрагим қоқ бўлинган ўртасидан.
Ҳар куни бир ўтаман кўчасидан,
Озодани севаман мен, Озодани.
Ўтаман-да. Ўтмасам бўлмайди ҳеч,
Ўтмай десам, кўнгил курғур тўлмайди ҳеч.
Кўзим тойиб кетаверар — қўймайди ҳеч,
Озодани севаман мен, Озодани.
Бир эсласам зирқиллайди банди-бандим,
Кечагина бир қизчани ўйнатгандим!
Кучугига оққанд бериб ўргатгандим,
Озодани севаман мен, Озодани.
Тушунмаслар кулади: эсиз-эсиз,
Кимдир эрмак қилади: эсиз-эсиз,
Хотиним ҳам билади, нима дейсиз?
Озодани севаман мен, Озодани.
Йигит қирқда қирчиллаб ғарқ пишади,
Эрта-индин сочимга оқ тушади,
Чин ошиқлар қирқ йилда топишади!
Озодани севаман мен, Озодани.
Севган эдим, ҳамон у суюкли ёр,
Билагида бармоғимнинг изи бор.
Озоданинг бир ўғил, бир қизи бор...
Мен барибир севаман Озодани.
Muhammad Yusuf...
OZODA
Ozodani sevaman men, Ozodani,
Suluvlarning sarvari - xonzodani.
Yo'latmasman Yoniga Shabbodani,
Ozodani sevaman men, Ozodani.
Kõrganmanu kõrganim ertasidan,
Yuragim qoq bõlingan õrtasidan.
Har kuni bir õtaman kõchasidan,
Ozodani sevaman men, Ozodani.
Õtaman-da. Õtmasam bõlmaydi hech,
Õtmay desam, kõngil qurg'ur to'lmaydi hech.
Ko'zim toyib ketaverar - qõmaydi hech,
Ozodani sevaman men, Ozodani.
Bir eslasam zirqillaydi bandi-bandim,
Kechagina bir qizchani o'ynatgandim!
Kuchugiga oqqand berib õrgatgandim,
Ozodani sevaman men, Ozodani.
Tushunmaslar kuladi: esiz-esiz,
Kimdir ermak qiladi: esiz-esiz,
Xotinim ham biladi, nima deysiz?
Ozodani sevaman men, Ozodani.
Yigit qirqda qirchillab g'arq pisadi,
Erta-indin sochimga oq tugaydi,
Chin oshiqlar qirq yilda tushadi!
Ozodani sevaman men, Ozodani.
Sevgan edim, hamon u suyukli yor,
Bilagida barmog'imning izi bor.
Ozodaning bir o'g'il, bir qizi bor ...
Men baribir sevaman Ozodani.
Следующая публикация
Нет комментариев